Night Drive trailer : അന്ന ബെന്നും റോഷൻ മാത്യുവും, വൈശാഖിന്റെ 'നൈറ്റ് ഡ്രൈവ്' ട്രെയിലര്‍ പുറത്തുവിട്ടു

വൈശാഖിന്റെ പുതിയ ചിത്രത്തില്‍ അന്ന ബെന്നും റോഷൻ മാത്യുവുമാണ് പ്രധാന കഥാപാത്രങ്ങളായി അഭിനയിക്കുന്നത്.  

വൈശാഖിന്റെ (Vysakh) പുതിയ ചിത്രമാണ് 'നൈറ്റ് ഡ്രൈവ്' (Night Drive). അന്ന ബെന്നും റോഷൻ മാത്യുവുമാണ് ചിത്രത്തിലെ പ്രധാന കഥാപാത്രങ്ങള്‍. ഒരു ത്രില്ലര്‍ ചിത്രമായിട്ടായിരിക്കും 'നൈറ്റ് ഡ്രൈവ്' എത്തുക. ഇപോഴിതാ എന്തായാരിക്കും ചിത്രം പറയുകയെന്ന് കൂടുതല്‍ വ്യക്തമാക്കി 'നൈറ്റ് ഡ്രൈവി'ന്റെ ട്രെയിലര്‍ പുറത്തുവിട്ടിരിക്കുന്നു. 

അന്ന ബെന്നും റോഷൻ മാത്യും അവതരിപ്പിക്കുന്ന കഥാപാത്രങ്ങള്‍ ദുരൂഹതയുള്ള ഒരു സംഭവത്തില്‍ കുടുങ്ങിപ്പോകുന്നതാണ് ട്രെയിലര്‍ സൂചിപ്പിക്കുന്നത്. അന്വേഷണ ഉദ്യോഗസ്ഥനായി ചിത്രത്തില്‍ ഇന്ദ്രജിത്ത് സുകുമാരനും എത്തുന്നു. ഷാജി കുമാറാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. 'നൈറ്റ് ഡ്രൈവെ'ന്ന ചിത്രത്തിന്റെ ചിത്ര സംയോജനം നിര്‍വഹിക്കുന്നത് സുനില്‍ എസ് പിള്ളയാണ്.

റോഷൻ മാത്യു ചിത്രം  നിര്‍മിക്കുന്നത് നീത പിന്റോയും പ്രിയ വേണുവും ചേര്‍ന്നാണ്. ആൻ മെഗാ മീഡിയയുടെ ബാനറിലാണ് ചിത്രത്തിന്റെ നിര്‍മാണം.  രഞ്‍ജിൻ രാജാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. വൈശാഖ് അടക്കമുള്ളവര്‍ തന്നെയാണ് ചിത്രത്തിന്റെ ട്രെയിലര്‍ പുറത്തുവിട്ടിരിക്കുന്നത്.

അഭിലാഷ് പിള്ളയാണ് ചിത്രത്തിന്റെ തിരക്കഥ എഴുതുന്നത്. 'നൈറ്റ് ഡ്രൈവെ'ന്ന ചിത്രത്തിന്റെ തിരക്കഥ രണ്ട് വര്‍ഷം മുമ്പ് തന്നെ കേള്‍പ്പിച്ചതായിരുന്നുവെന്നാണ് വൈശാഖ് പറഞ്ഞത്. എല്ലാവരുടെയും സ്‍നേഹവും പിന്തുണയും തനിക്ക് വേണമെന്നും വൈശാഖ് അഭ്യര്‍ഥിച്ചിരുന്നു. 'നൈറ്റ് ഡ്രൈവ്' ചിത്രത്തില്‍ വൈശാഖിന്റെ ആരാധകരും വലിയ പ്രതീക്ഷയിലാണ്.