ദ രാജാ സാബിന് രണ്ടാം ഭാഗം ഉണ്ടാകുമോ?, മറുപടിയുമായി മാരുതിയും രംഗത്ത്
Synopsis
സംവിധാനം നിര്വഹിക്കുന്നത് മാരുതി ആണ്.
പ്രഭാസ് നായകനായി വരാനിരിക്കുന്ന ചിത്രമാണ് ദ രാജാ സാബ്. ദ രാജാ സാബ് സിനിമയുടെ ട്രെയിലര് ഹിറ്റായിരിക്കുകയാണ്. രാജാ സാബിന്റ രണ്ടാം ഭാഗം ഉണ്ടാകുമോ എന്ന ചോദ്യത്തോട് പ്രതികരിച്ചിരിക്കുകയാണ് സംവിധായകൻ മാരുതി. ആദ്യ ഭാഗം പൂർത്തിയാക്കിയതിനുശേഷം മാത്രമേ തുടർഭാഗത്തെക്കുറിച്ച് നമ്മൾ ചിന്തിക്കൂ. രണ്ടാം ഭാഗം ഒരുക്കാൻ വേണ്ടി മാത്രം ഞാൻ മനഃപൂർവ്വം കഥ അപൂർണ്ണമാക്കില്ല. പ്രഭാസിനും എനിനിക്കും ഇക്കാര്യത്തിൽ വളരെ വ്യക്തമായ നിലപാടുണ്ട് എന്നുമാണ് മാരുതി അഭിപ്രായപ്പെട്ടത്. ദ രാജാ സാബിനായി 100 കോടി രൂപയാണ് പ്രഭാസ് പ്രതിഫലമായി സ്വീകരിക്കുക എന്നും പുതിയ റിപ്പോര്ട്ടുകള് സൂചിപ്പിക്കുന്നു.
സംഗീതം നിര്വഹിക്കുന്നത് തമൻ ആണ്. ദ രാജാ സാബ് എന്ന ചിത്രത്തിലെ പാട്ടുകള്ക്ക് ജാപ്പനീസ് പതിപ്പ് ഒരുക്കുമോയെന്ന് നിര്മാതാക്കള് ചോദിച്ചതായി തമൻ വെളിപ്പെടുത്തിയിരുന്നു. ജപ്പാനില് ഓഡിയോ ലോഞ്ച് സംഘടിപ്പിക്കാൻ ചിത്രത്തിന്റെ നിര്മാതാക്കള് ആലോചിക്കുന്നുണ്ടെന്നാണ് വ്യക്തമാകുന്നത് എന്നും തമൻ സൂചിപ്പിക്കുന്നു. എന്തായാലും തമന്റെ വാക്കുകള് ചര്ച്ചയായിരിക്കുകയാണ്. രാജാ സാബിന്റെ സംവിധാനം മാരുതിയാണ്. നായിക മാളവിക മോഹനനും ആണ്.
പഴയ ഒരു ഹിറ്റ് ഹിന്ദി ചിത്രത്തിലെ ഗാനം രാജാ സാബില് ഉപയോഗിക്കും എന്ന് നേരത്തെ റിപ്പോര്ട്ടുണ്ടായിരുന്നു. അമിതാഭ് ബച്ചന്റെ ഡോണ് എന്ന ചിത്രത്തിലെ ഗാനം റീമിക്സ് ചെയ്യുമെന്നായിരുന്നു റിപ്പോര്ട്ടുകള്. തെലുങ്കിലെ പ്രേക്ഷകര്ക്ക് അനുയോജ്യമായി ബച്ചൻ ചിത്രത്തിലെ ഗാനം ഉപയോഗിക്കുമെന്ന് റിപ്പോര്ട്ടുകള് പ്രചരിച്ചിരുന്നത് വ്യാജമാണ് എന്ന് തെളിഞ്ഞതായി പിന്നീട് ചിത്രത്തിന്റെ അപ്ഡേറ്റുമുണ്ടായി. ഗാനത്തിന്റെ റീമിക്സ് റൈറ്റ്സില്ലെന്ന് പ്രഭാസ് ചിത്രത്തിന്റെ നിര്മാതാക്കള് വ്യക്തമാക്കിയിരിക്കുകയാണ്.
പ്രഭാസ് നായകനായി ഒടുവില് എത്തിയ ചിത്രം സംവിധാനം ചെയ്തത് ദേശീയതലത്തില് അംഗീകാരം നേടിയ നാഗ് അശ്വിൻ ആയിരുന്നു. ദീപിക പദുക്കോണ് നായികയായപ്പോള് പ്രഭാസ് ചിത്രത്തില് ഉലകനായകൻ കമല്ഹാസനൊപ്പം അമിതാഭ് ബച്ചനും കഥാപാത്രങ്ങളായി എത്തുന്നു. ഇതിഹാസ കാവ്യമായ മഹാഭാരത കാലത്ത് തുടങ്ങുന്നതായിരിക്കും കല്ക്കി 2898 എഡിയുടെ പ്രമേയം. കല്ക്കി 2898 എഡി 1000 കോടി ക്ലബിലുമെത്തിയിരുന്നു.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക