വിജയ് ചിത്രം അനുഷ്ക ഉപേക്ഷിക്കാനുള്ള കാരണം
Synopsis
ചെന്നൈ: തെരി എന്ന ചിത്രത്തിന് ശേഷം ആറ്റ്ലി ചിത്രത്തില് വിജയ് വീണ്ടും എത്തുന്നു. വിജയുടെ കരിയറിലെ 60മത് ചിത്രമായിരിക്കും ഇത്. എന്നാല് ഇതിന് പേര് ഇട്ടിട്ടില്ല. തെന്ട്രല് ഫിലിംസിന്റെ ബാനറില് ഹേമാ രുക്മിണി നിര്മ്മിക്കുന്ന ചിത്രത്തില് രണ്ട് നായികമാരാണ് എന്ന് ഉറപ്പായി കഴിഞ്ഞു. കാജല് അഗര്വാളും നയന്താരയുമാണ് നായികമാരെന്നാണ് ഒടുവില് ലഭിക്കുന്ന സൂചന. എന്നാല് നയന്താരയുടെ റോളിലേക്ക് ആദ്യം പരിഗണിച്ചത് അനുഷ്കാ ഷെട്ടിയെ ആയിരുന്നുവെന്നാണ് പുതിയ വാര്ത്ത.
എന്നാല് അനുഷ്ക ഷെട്ടി ഈ റോള് ഏറ്റെടുക്കാന് തയ്യാറായില്ല. അതിന് രണ്ട് കാരണങ്ങളാണ് എന്നാണ് തമിഴ് മാധ്യമങ്ങള് പറയുന്നത്. ചിത്രത്തില് രണ്ട് നായികമാരുള്ളതിനാല് തെന്നിന്ത്യയിലെ ഏറ്റവും താരമൂല്യമുള്ള നായികമാരിലൊരാളായ അനുഷ്കയ്ക്ക് ചിത്രത്തിലെ റോള് ഏറ്റെടുക്കാന് താല്പ്പര്യമില്ല. രണ്ട് ബാഹുബലി രണ്ടാം ഭാഗം പൂര്ത്തിയാകുന്നതിന് മുമ്പ് മറ്റൊരു പ്രൊജക്ട് ഏറ്റെടുക്കേണ്ട എന്നാണ് നടിയുടെ തീരുമാനം. മുന്പ് വേട്ടക്കാരന് എന്ന ചിത്രത്തില് അനുഷ്ക നായികയായിട്ടുണ്ട്.
അനുഷ്ക കൈയ്യോഴിഞ്ഞതോടെ രാജാ റാണി എന്ന ആറ്റ്ലിയുടെ ആദ്യസിനിമയില് നായികയായ നയന്താരയെ ക്ഷണിക്കുകയായിരുന്നു സംവിധായകന്.കാജല് രണ്ടാം തവണയും നയന്താര മൂന്നാം തവണയുമാണ് വിജയ് ചിത്രത്തില് അഭിനയിക്കുന്നത്. നായികയായി എത്തിയ വില്ല്, ഐറ്റം ഡാന്സിലെത്തിയ ശിവകാശി എന്നിവയാണ് ചിത്രങ്ങള്.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ