നടിമാരെ 'നടിമാർ' എന്നല്ലാതെ വേറെ എന്താണ് വിളിക്കേണ്ടത്? നടിയെ അപമാനിച്ചിട്ടില്ലെന്നും ബാബുരാജ്

ഡബ്ല്യുസിസിക്ക് പ്രത്യേക അജണ്ട ഉണ്ടെന്നും  ആക്രമിക്കപ്പെട്ട നടിയെ അപമാനിക്കാൻ ശ്രമിച്ചിട്ടില്ലെന്നും നടൻ ബാബുരാജ്. 'ചൂടുവെള്ളത്തിൽ വീണ പൂച്ച' എന്നത് ഒരു പഴഞ്ചൊല്ലാണ്. നടിക്ക് ഇപ്പോൾ ആരെ വിശ്വസിക്കണം എന്ന് അറിയില്ല. 

കൊച്ചി: ഡബ്ല്യുസിസിക്ക് പ്രത്യേക അജണ്ട ഉണ്ടെന്നും ആക്രമിക്കപ്പെട്ട നടിയെ അപമാനിക്കാൻ ശ്രമിച്ചിട്ടില്ലെന്നും നടൻ ബാബുരാജ്. 'ചൂടുവെള്ളത്തിൽ വീണ പൂച്ച' എന്നത് ഒരു പഴഞ്ചൊല്ലാണ്. നടിക്ക് ഇപ്പോൾ ആരെ വിശ്വസിക്കണം എന്ന് അറിയില്ല. ആ അവസ്ഥയെ കുറിച്ചാണ് ഞാൻ പറഞ്ഞത്.

ആക്രമിക്കപ്പെട്ട കുട്ടി എന്റെ ഏറ്റവും വലിയ സുഹൃത്താണ്. നടിമാരെ നടിമാർ എന്ന് അല്ലാതെ വേറെ എന്താണ് വിളിക്കേണ്ടത് എന്നും ബാബുരാജ് ചോദിച്ചു. ആക്രമിക്കപ്പെട്ട നടിയെ ചൂടുവെള്ളത്തില്‍ വീണ പൂച്ചയെന്ന് വിളിച്ച് എക്‌സിക്യൂട്ടീവ് കമ്മിറ്റി അംഗവും നടനുമായ ബാബു രാജ് അധിക്ഷേപിച്ചതായി ഡബ്യുസിസി അംഗം പാര്‍വതി തിരുവോത്ത് പറഞ്ഞിരുന്നു. ആ ബാബു രാജിന്റെ നിര്‍ദ്ദേശ പ്രകാരമാണ് നടിമാരായ രചന നാരായണന്‍ കുട്ടിയും ഹണി റോസും നടിയുടെ ഹര്‍ജിയില്‍ കക്ഷി ചേര്‍ന്നതെന്നും പാര്‍വതി ചൂണ്ടിക്കാട്ടി.

 ഡബ്ല്യൂസിസി അംഗങ്ങള്‍ കൊച്ചിയില്‍ വിളിച്ചു ചേര്‍ത്ത പത്രസമ്മേളനത്തിലായിരുന്നു പാര്‍വതിയുടെ പരാമര്‍ശം. അതേസമയം തന്നെ സംഘടനയില്‍ പ രാതിയുമായി എത്തിയ ഞങ്ങള്‍ മൂന്ന് പേരുടെ പേരുകള്‍ വിളിക്കാന്‍ പോലും അമ്മ പ്രസിഡന്‍റിന് സാധിച്ചില്ലെന്നും അവര്‍ ആരോപിച്ചിരുന്നു. നടിമാര്‍ എന്നാണ് ഞങ്ങളെ വിശേഷിപ്പിച്ചതെന്നായിരുന്നു നടി രേവതി അടക്കമുള്ളവരുടെ ആരോപണം.