ഒരേയൊരു രാജാവ്, മോഹൻലാല് മറികടന്ന 9 റെക്കോര്ഡുകള്
Synopsis
മറ്റാര്ക്കും എത്തിപ്പിടിക്കാനാകാത്തതുമായ മോഹൻലാല് റെക്കോര്ഡുകളും.
മലയാളത്തിലെ എക്കാലത്തെയും ക്രൗഡ് പുള്ളറായ താരമാണ് മോഹൻലാല്. ബോക്സ് ഓഫീസ് കളക്ഷൻ റെക്കോര്ഡുകള് പലതും മോഹൻലാലിന്റെ പേരിലുമാണ്. തുടരും കേരള ബോക്സ് ഓഫീസില് 100 കോടി നേടിയതാണ് ഏറ്റവും ഒടുവിലത്തെ റെക്കോര്ഡ്. ബോക്സ് ഓഫീസില് മോഹൻലാല് നേടിയ റെക്കോര്ഡുകള് അറിയുന്നത് പ്രേക്ഷകര്ക്ക് കൗതുകമുള്ള കാര്യമായിരിക്കും.
ആദ്യത്തെ 100 കോടി ക്ലബ്- പുലിമുരുകൻ
വിദേശത്ത് ആദ്യത്തെ 100 കോടി ക്ലബ്- എമ്പുരാൻ.
ആദ്യത്തെ 100 കോടി ആഗോള ഷെയര്- എമ്പുരാൻ
ആദ്യത്തെ 100 കോടി കേരള ഗ്രോസ്- തുടരും
ആദ്യത്തെ ആഗോള 50 കോടി- ദൃശ്യം.
കേരള ബോക്സ് ഓഫീസിലെ ആദ്യത്തെ 50 കോടി- പുലിമുരുകൻ.
വിദേശത്തെ ആദ്യത്തെ 50 കോടി ഗ്രോസ്- ലൂസിഫര്.
ആദ്യത്തെ 50 കോടി ഓപ്പണിംഗ്- ലൂസിഫര്.
കേരളത്തിലെ ഇൻഡസ്ട്രി ഹിറ്റ്- തുടരും
മോഹൻലാല് നായകനായ തുടരും എന്ന സിനിമ വൻ ഹിറ്റായി മാറിയിരിക്കുകയാണ്. തരുണ് മൂര്ത്തിയാണ് സംവിധാനം നിര്വഹിച്ചിരിക്കുന്നത്. 2018നെ വീഴ്ത്തി തുടരും കേരള ബോക്സ് ഓഫീസില് ഇൻഡസ്ട്രി ഹിറ്റായിരിക്കുകയാണ്. കേരളത്തില് നിന്ന് മാത്രമായി 89 കോടി രൂപയിലധികം നേടിയാണ് ഇൻഡസ്ട്രി ഹിറ്റായിരിക്കുന്നത്. തുടരും ആഗോളതലത്തില് ഇതിനകം 200 കോടിയിലേറെ നേടിയിട്ടുണ്ട്. വലിയ പ്രചരണ കോലാഹലങ്ങളില്ലാതെ എത്തിയ തുടരും കേരളത്തില് എക്കാലത്തെയും കൂടുതല് കളക്ഷൻ നേടിയത് ഇൻഡസ്ട്രിയെ ഞെട്ടിച്ചിരിക്കുകയാണ്, തുടരും ഇൻഡസ്ട്രി ഹിറ്റായത് ആശിര്വാദ് സിനിമാസും അടുത്തിടെ സ്ഥിരീകരിച്ചിരുന്നു. ബുക്ക് മൈ ഷോയിലൂടെ 4,000,000 ടിക്കറ്റുകളും വിറ്റുവെന്നാണ് പുതിയ റിപ്പോര്ട്ട്.
കെ ആര് സുനിലിനൊപ്പം തരുണുമാണ് തിരക്കഥ ഒരുക്കിയിരിക്കുന്നത്. ഷണ്മുഖൻ എന്ന കഥാപാത്രമായിട്ടാണ് ചിത്രത്തില് മോഹൻലാല് വേഷമിട്ടിരിക്കുന്നത്. ഒരു ടാക്സി ഡ്രൈവര് കഥാപാത്രമാണ് ചിത്രത്തില് മോഹൻലാലിന്റേത്. ലളിത എന്ന വീട്ടമ്മയായി നായികാ കഥാപാത്രമായി ശോഭന എത്തിയിരിക്കുമ്പോള് ഫര്ഹാൻ ഫാസില്, മണിയൻപിള്ള രാജു, ബിനു പപ്പു, ഇര്ഷാദ് അലി, ആര്ഷ കൃഷ്ണ പ്രഭ, പ്രകാശ് വര്മ, അരവിന്ദ് എന്നിവരും കഥാപാത്രങ്ങളായി ഉണ്ട്.
തുടരും-ന് മറ്റൊരു പേര് കൂടി ആലോചിച്ചിരുന്നുവെന്ന് വെളിപ്പെടുത്തിയിരുന്നു തരുണ് മൂര്ത്തി. വിന്റേജ് എന്ന പേരായിരുന്നു മോഹൻലാല് ചിത്രത്തിനായി ആലോചിച്ചിരുന്നത് എന്ന് തരുണ് മൂര്ത്തി വെളിപ്പെടുത്തുന്നു. സിനിമയുമായി ചേര്ന്നുനില്ക്കുന്ന പേരാണ് തുടരും. എന്ത് പ്രശ്നങ്ങള് സംഭവിച്ചാലും ഒരാളുടെ ജീവിതം തുടരും എന്ന ഫോര്മാറ്റിലാണ് തുടരും എന്ന് പേര് നല്കിയത്. അവസാന ഷെഡ്യൂള് ആയപ്പോള് വിനറേജ് എന്നൊരു സജഷൻസ് ഉണ്ടായി. എന്നാല് മോഹൻലാല് വിന്റേജിലേക്ക് തിരിച്ചുവരുന്നു എന്ന് നമ്മള് പറയുന്നതു പോലെയാകും. വിന്റേജ് മോഹൻലാലിനെ തിരിച്ചുകൊണ്ടുവരാനല്ല സിനിമ. വിന്റേജ് എന്ന പേര് ലാലേട്ടനോട് പറഞ്ഞപ്പോള് എന്തിനാ മോനേ മനോഹരമായ തുടരും എന്ന വാക്കുള്ളപ്പോള് മറ്റൊരു പേര് എന്ന് ചോദിച്ചു. അങ്ങനെ ആ പേര് ഉറപ്പിക്കുകയായിരുന്നുവെന്നും പറയുന്നു തരുണ് മൂര്ത്തി.
വൻ തുകയ്ക്കാണ് ഹോട്സ്റ്റാര് ചിത്രത്തിന്റെ ഒടിടി റൈറ്റ്സ് നേടിയിരിക്കുന്നത് എന്നുമാണ് റിപ്പോര്ട്ട്. തുടരുമിലെ പ്രമേയത്തിലെ ഓരോ രംഗത്തെ കുറിച്ചും വലിയ കൗതുകമായിരുന്നു മോഹൻലാലിന് എന്ന് സംവിധായകൻ തരുണ് മൂര്ത്തി വ്യക്തമാക്കിയിരുന്നു. കഥ കേട്ടപ്പോള് ആവേശഭരിതനായെന്നാണ് മോഹൻലാല് പറഞ്ഞത് എന്നും ചര്ച്ചയായി മാറിയ തുടരും സംവിധായകൻ തരുണ് മൂര്ത്തി വെളിപ്പെടുത്തി. നായകൻ മോഹൻലാലിന്റെ ലുക്കുകള് നേരത്തെ ചിത്രത്തിലേതായി പുറത്തുവിട്ടത് റിലീസിനു മുന്നേ ശ്രദ്ധയാകര്ഷിച്ചിരുന്നു.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക