തെന്നിന്ത്യയില്‍ രണ്ടാമത് മോഹൻലാല്‍, ഒന്നാമത് ആ പരാജയ നായകൻ

തെന്നിന്ത്യയില്‍ മുന്നിലുള്ള 10 നായകൻമാരുടെയും ചിത്രങ്ങളുടെയും പട്ടിക.

വൻ പ്രതീക്ഷകളുമായി തെന്നിന്ത്യയില്‍ നിന്നെത്തിയ ചിത്രം ആണ് ഹരി ഹര വീര മല്ലു. ഓപ്പണിംഗില്‍ 100 കോടി നേടും ചിത്രം എന്നായിരുന്നു പ്രവചനങ്ങള്‍. എന്നാല്‍ 62.55 കോടി മാത്രമേ നേടാനായുള്ളൂ എന്നാണ് ബോക്സ് ഓഫീസ് സൗത്ത് ഇന്ത്യ റിപ്പോര്‍ട്ട് ചെയ്യുന്നത്. മലയാളത്തിന്റെ മോഹൻലാല്‍ 2025ല്‍ ഓപ്പണിംഗ് കളക്ഷന്റെ കാര്യത്തില്‍ ഹരി ഹര വീര മല്ലുവിന്റെ മുന്നിലാണ് എന്നാണ് റിപ്പോര്‍ട്ട്.

തെന്നിന്ത്യയില്‍ നിന്ന് 2025ല്‍ പ്രദര്‍ശനത്തിനെത്തിയ ചിത്രങ്ങളില്‍ ഓപ്പണിംഗ് കളക്ഷനില്‍ ഒന്നാം സ്ഥാനത്ത് ആ പരാജയപ്പെട്ട ചിത്രമാണ്. രാം ചരണ്‍- ഷങ്കര്‍ കൂട്ടുകെട്ടിന്റെ ചിത്രമായ ഗെയിം ചേഞ്ചറാണ് ഒന്നാം സ്ഥാനത്ത്. ചിത്രം 80.60 കോടി രൂപയാണ് ഓപ്പണിംഗില്‍ നേടിയത് എന്ന് ബോക്സ് ഓഫീസ് സൗത്ത് ഇന്ത്യ റിപ്പോര്‍ട്ട് ചെയ്യുന്നു. രണ്ടാമതുള്ള മോഹൻലാലിന്റെ എമ്പുരാനാകട്ടെ 68.20 കോടി രൂപയാണ് ഓപ്പണിംഗില്‍ നേടിയത്.

2025ല്‍ തെന്നിന്ത്യയില്‍ നിന്ന് പ്രദര്‍ശനത്തിനെത്തിയവയില്‍ ഓപ്പണിംഗ് കളക്ഷനില്‍ ആദ്യ 10 സ്ഥാനങ്ങളിലുള്ള ചിത്രങ്ങള്‍ ചുവടെ (ചിത്രം, ഓപ്പണിംഗ് കളക്ഷൻ, നായകൻ തുടങ്ങിയ ക്രമത്തില്‍ എഴുതിയിരിക്കുന്നു)

1. ഗെയിം ചേഞ്ചര്‍ (രാം ചരണ്‍) - 80.60 കോടി 2. എമ്പുരാൻ (മോഹൻലാല്‍)- 68.20 കോടി 3. ഹരി ഹര വീര മല്ലു (പവൻ കല്യാണ്‍‌)- 62.55 കോടി 4. ഗുഡ് ബാഡ് അഗ്ലി (അജിത്ത് കുമാര്‍)- 52 കോടി 5. വിഡാമുയര്‍ച്ചി (അജിത്ത് കുമാര്‍)- 48.15 കോടി 6. ഡാകു മഹാരാജ് (നന്ദമുരി ബാലകൃഷ്‍ണ)- 39.60 കോടി 7. തഗ് ലൈഫ് (കമല്‍ഹാസൻ)- 38.85 കോടി 8. ഹിറ്റ് 3 (നാനി) - 35.80 കോടി 9. റെട്രോ (സൂര്യ)- 31 45 കോടി 10 സംങ്ക്രാന്തി വസ്‍തുനം (വെങ്കടേഷ്)- 31.35 കോടി

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക