543 കോടി പടവും വീണു, മുന്നിലുള്ളത് മൂന്ന് ചിത്രങ്ങൾ മാത്രം; ഷാരൂഖ് ഖാനെയും വീഴ്ത്തി ഛാവ മുന്നോട്ട്

ബോളിവുഡിൽ ഏറ്റവും കൂടുതൽ കളക്ഷൻ നേടിയ സിനിമകളുടെ പട്ടികയിൽ നാലാം സ്ഥാനത്ത് എത്തിയിരിക്കുകയാണ് ഛാവ. 

ഈ വർഷം തുടക്കത്തിലും പരാജയങ്ങൾ ഏറ്റുവാങ്ങിയ മേഖല ആയിരുന്നു ബോളിവുഡ്. എന്നാൽ ബി ടൗണിന് വലിയൊരു ആശ്വാസമായി എത്തിയ സിനിമയാണ് ഛാവ. വിക്കി കൗശൽ നായകനായി എത്തിയ ഈ പിരീഡ് ​ഡ്രാമ ചിത്രം ആദ്യദിനം മുതൽ പ്രേക്ഷകർ ഇരുകയ്യും നീട്ടി സ്വീകരിച്ചു. ഒപ്പം ബോക്സ് ഓഫീസ് വിജയവും സ്വന്തമാക്കി. റിലീസ് ചെയ്ത് ഇരുപത്തി ആറ് ​ദിവസങ്ങൾ പിന്നിടുമ്പോഴേക്കും ബോളിവുഡിൽ ഏറ്റവും കൂടുതൽ കളക്ഷൻ നേടിയ സിനിമകളുടെ പട്ടികയിൽ നാലാം സ്ഥാനത്തും എത്തിയിരിക്കുകയാണ് ഛാവ. 

543.22 കോടി കളക്ഷൻ നേടി നാലാം സ്ഥാനത്തുണ്ടായിരുന്ന പത്താൻ എന്ന ഷാരൂഖ് ഖാൻ ചിത്രത്തെ പിന്നിലാക്കിയാണ് ഛാവ ഈ നേട്ടം സ്വന്തമാക്കിയിരിക്കുന്നത്.  2023ൽ പുറത്തിറങ്ങിയ പത്താൻ 543.22 കോടിയാണ് (എല്ലാ ഭാഷകളും) നേടിയത്. ഇനി ഛാവയ്ക്ക് മുന്നിലുള്ളത് മൂന്ന് സിനിമകളാണ്. അനിമൽ, സ്ത്രീ 2, ജവാൻ എന്നിവയാണ് ആ സിനിമകൾ. ഇതിൽ അനിമലിനെ വൈകാതെ തന്നെ ഛാവ മറികടക്കുമെന്നാണ് വിലയിരുത്തലുകൾ. 554 കോടിയാണ് അനിമലിന്റെ ആ​ഗോള ബോക്സ് ഓഫീസ് കളക്ഷൻ. കോയ് മോയ് ആണ് ഇക്കാര്യം ട്വീറ്റ് ചെയ്തിരിക്കുന്നത്. 

ഇന്ത്യൻ ബോക്‌സ് ഓഫീസിൽ മികച്ച കളക്ഷൻ നേടിയ ഹിന്ദി ചിത്രങ്ങൾ

ജവാൻ- 640.42 കോടി
സ്ത്രീ 2- 627.50 കോടി
അനിമൽ- 554 കോടി
ഛാവ- 543.89 കോടി*
പത്താൻ- 543.22 കോടി
​ഗദ്ദാർ 2- 525.50 കോടി
ദം​ഗൽ- 387.39 കോടി
സഞ്ജു- 341.22 കോടി
പികെ- 339.50 കോടി
ടൈ​ഗർ സിന്ദാ ഹൈ- 339.16 കോടി

ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..