തിരുവനന്തപുരം: കഴിഞ്ഞ വര്‍ഷം നവംബറില്‍ ദിലീപിന്റെ ഉടമസ്ഥതയിലുള്ള തിയറ്റര്‍ സമുച്ചയമായ ചാലക്കുടി ഡി സിനാമാസില്‍ നടന്ന കവര്‍ച്ചയുമായി ബന്ധപ്പെട്ട് ദിലീപ് പോസ്റ്റ് ചെയ്ത ഫേസ്ബുക് പോസ്റ്റ് താരത്തെ ഇപ്പോള്‍ തിരിഞ്ഞു കൊത്തുന്നു. 2016 നവംബര്‍ 16നാണ് ദിലീപ് ഫേസ്ബുക്കില്‍ കേരാളാ പോലീസിനെ അഭിനന്ദിച്ച് പോസ്റ്റിടുന്നത്.
കേരളാ പോലീസിന് ഒരു വലിയ സല്യൂട്ട് എന്നു പറഞ്ഞാണ് ദിലീപിന്റെ പോസ്റ്റ് തുടങ്ങുന്നത്. കേരളാപോലീസിനു മുന്നിൽ അസാധ്യമായി ഒന്നുമില്ലെന്ന് ഒരിക്കൽക്കൂടി വ്യതമാക്കപ്പെട്ടുവെന്നും പോസ്റ്റില്‍ ദിലീപ് പറയുന്നുണ്ട്. നടിയെ ആക്രമിച്ച കേസില്‍ അറസ്റ്റിലായതോടെ കേരളാ പോലീസിന് അന്ന് നല്‍കിയ ബിഗ് സല്യൂട്ട് ആണ് ദിലീപിനെ ഇപ്പോള്‍ തിരിഞ്ഞുകൊത്തുന്നത്.
2016 നവംബര്‍ 16ന് ദിലീപ് തന്റെ ഫേസ്ബുക്കിലിട്ട പോസ്റ്റില്‍ പറയുന്നത്
കേരളാ പോലീസിന് ഒരു വലിയ സല്യൂട്ട്. ഓഗസ്റ്റ്‌ 28നു എന്റെ തിയേറ്ററിൽ നടന്ന മോഷണത്തിലെ പ്രതിയെ പിടിച്ച പോലീസ്‌ ഉദ്യോഗസ്ഥരുടെ സാഹസീകതയ്ക്കും,ബുദ്ധികൂർമ്മതയ്ക്കും എന്റെ സല്യൂട്ട്.കഴിഞ്ഞ രണ്ടരമാസം കൊണ്ട്‌ ഒരു അസാധാരണ മോഷണക്കേസിലെ പ്രതിയെ ശാസ്ത്രീയമായ്‌ കീഴ്പ്പെടുത്ത അസാധാരണ വൈഭവമ്മാണു ഈ കേസന്വേഷിച്ച ഉദ്ധ്യോഗസ്ഥർ കാഴ്ചവച്ചത്‌,കേരളാപോലീസിനു മുന്നിൽ അസാധ്യമായ്‌ ഒന്നുമില്ലെന്ന് ഒരിക്കൽക്കൂടി വ്യതമാക്കപ്പെട്ടു ഈ കേസിന്റെ അന്വേഷണം.ഒരിക്കൽക്കൂടി കേരളാ പോലീസിന് ഒരു ബിഗ് സല്യൂട്ട്. ഒപ്പം ഈ കേസ്‌ സുത്യർഹമാം വിധം അന്വ്വേഷണം പൂർത്തിയാക്കിയ, അതിനു നേതൃത്ത്വം നൽകിയ ശ്രീമതി നിശാന്തിനിIPS ,DYSPവാഹിദ്‌ C I കൃഷ്ണൻM.K S Iജയേഷ്‌ ബാലൻ ad S Iലോനപ്പൻK.D, ASI murali, senior CPO സതീശൻ മനോജ്‌, CPO അജിത്‌,സിജൊ തുടങ്ങിയവർക്ക്‌ പ്രത്യേകം നന്ദി രേഖപ്പെടുത്തുന്നു