പി എം നരേന്ദ്ര മോദിയുടെ ചിത്രീകരണം തുടങ്ങി; ഫോട്ടോ പങ്കുവച്ച് സംവിധായകൻ

പ്രധാനമന്ത്രി നരേന്ദ്ര മോദിയുടെ ജീവിതം പ്രമേയമാകുന്ന സിനിമയാണ് പി എം നരേന്ദ്ര മോദി. ചിത്രത്തിന്റെ ഷൂട്ടിംഗ് ഇന്ന് തുടങ്ങി. സംവിധായകൻ തന്നെയാണ് ചിത്രത്തിന്റെ ഷൂട്ടിംഗ് തുടങ്ങിയതായി അറിയിച്ചത്. നരേന്ദ്ര മോദിയായി അഭിനയിക്കുന്ന വിവേക് ഒബ്റോയ്‍ക്കൊപ്പമുള്ള ഫോട്ടോയും സംവിധായൻ ഒമംഗ് കുമാര്‍ പങ്കുവച്ചിട്ടുണ്ട്.

അഹമ്മദാബാദിലാണ് ചിത്രത്തിന്റെ ഷൂട്ടിംഗ് നടക്കുന്നത്. ഗുജറാത്തിലെ വിവിധ പ്രദേശങ്ങളാകും മറ്റ് ലൊക്കേഷനുകള്‍.  ചിത്രത്തിന്റെ തിരക്കഥ എഴുതിയിരിക്കുന്നതും സംവിധായകൻ ഒമംഗ് കുമാറാണ്.