വ്യത്യസ്ത ലുക്കില് ഫര്ഹാന് ഫാസില്
Synopsis
ഞാന് സ്റ്റീവ് ലോപ്പസിനു ശേഷം ഫര്ഹാന് ഫാസില് നായകനാകുന്ന ചിത്രമാണ് ബഷീറിന്റെ പ്രേമലേഖനം. ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തുവിട്ടു. പഴയകാലത്തെ ഓര്മ്മിക്കുന്ന ലുക്കിലാണ് ഫര്ഹാന്.
സക്കറിയയുടെ ഗര്ഭിണികള്, കുമ്പസാരം എന്നിവയ്ക്കു ശേഷം അനീഷ് അന്വര് സംവിധാനം ചെയ്യുന്ന സിനിമയാണ് ബഷീറിന്റെ പ്രേമലേഖനം. ഫര്ഹാന് ഫാസിലിനു പുറമേ സന അല്ത്താഫും പ്രധാനകഥാപാത്രങ്ങളില് എത്തുന്ന ചിത്രത്തില്, കമ്മട്ടിപ്പാടത്തിലൂടെ പ്രശസ്തനായ മണികണ്ഠനും ഒരു ശ്രദ്ധേയ കഥാപാത്രത്തെ അവതരിപ്പിക്കുന്നു. 1980 കാലഘട്ടത്തിലെ ഒരു പ്രണയകഥ പറയുന്ന ചിത്രത്തില് മധു - ഷീല പ്രണയ ജോഡികള് അഭിനയിക്കുന്നുവെന്ന കൗതുകവുമുണ്ട്.
രണ്ജി പണിക്കര്, നെടുമുടി വേണു, കെപിഎസി ലളിത, ശിവജി ഗുരുവായൂര്, കണാരന് ഹരീഷ്, അജു വര്ഗീസ്, ദിലീഷ് പോത്തന്, സുനില് സുഖദ, ഷാനവാസ്, ആശാ അരവിന്ദ്, ശ്രീജിത്ത് രവി എന്നിവരും ചിത്രത്തിലുണ്ട്.
കഴിഞ്ഞ പരിസ്ഥിതി ദിനത്തില് പുറത്തിറക്കിയ ലോഡലും ലൊഡലൊഡലു എന്ന വീഡിയോ സോംഗും ഒരുക്കിയത് അനീഷ് അന്വറാണ്. മോഹന്ലാലും ബാലതാരങ്ങളും അഭിനയിച്ച വീഡിയോ സോഷ്യല് മീഡിയകളില് വൈറലായിരുന്നു.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ