ഇനി ലിജോ മോളുടെ അനുരാഗം!

ഇടുക്കിയിലെ 1980കളിലെ കഥാപാത്രവുമായി മഹേഷി​ൻ്റെ ​പ്രതികാരം ഫെയിം ലിജോമോളുടെ അടുത്ത സിനിമ. അനുരാഗം എന്ന പേരിട്ട സിനിമ ജയൻ വന്നേരിയാണ്​ സംവിധാനം ചെയ്യുന്നത്​. പതിറ്റാണ്ടുകൾക്ക്​ മുമ്പുള്ള പ്രണയകഥയാണ്​ ചിത്രത്തിൻ്റെ ​പ്രമേയം. കത്രീന എന്ന കഥാപാത്രത്തെയാണ്​ ലിജോ മോൾ അവതരിപ്പിക്കുന്നത്​.

വിജയരാഘവൻ അവതരിപ്പിക്കുന്ന കഥാപാത്രവുമായി കത്രീന ആദ്യം പ്രണയത്തിലായിരുന്നു. തൊപ്രാംകുടിക്കാരിയായ കഥാപാത്രം ധൈര്യശാലിയും തൻ്റേടിയുമാണ്​. കമ്മട്ടിപ്പാടത്തിൽ  ദുൽഖറിൻ്റെ യൗവനകാലം അവതരിപ്പിച്ച ഷാലുവാണ്​ ലിജോയുടെ കഥാപാത്രത്തി​ൻ്റെ ​പ്രണയജോഡിയായി എത്തുന്നത്​. എൺപതുകളിലെ കഥപറയുന്ന സിനിമ ​​പ്രണയ നൈരാശ്യത്തിൽ തളച്ചിടുന്നതല്ലെന്നും കാഴ്​ചയിലും സംഭാഷണതലത്തിലും സന്തുലിതത്വം പുലർത്തുന്നതുമാണ്​ സിനിമയെന്ന്​ സംവിധായകൻ പറയുന്നു.  താൻ മുമ്പ്​ ചെയ്​ത കഥാപാത്രങ്ങൾക്കില്ലാത്ത ഒ​ട്ടേറെ സവിശേഷതകൾ ഉള്ള കഥാപാത്രമാണ്​ കത്രീനയെന്ന്​ ലിജോ പറയുന്നു.

കത്രീന എന്ന കഥാപാത്രം ത​ൻ്റെ വരുതിയിൽ നിൽക്കുമെന്ന്​ ഉറപ്പുണ്ട്​. മുമ്പ്​ ചെയ്​ത കഥാപാത്രങ്ങൾ എല്ലാം പാവം ആയിരുന്നെങ്കിൽ കത്രീന അതല്ല. ലിജി ഹണി ബീ 2.5 എന്ന സിനിമയുടെ ഷൂട്ടിങ്​ ഇൗയിടെയാണ്​ പൂർത്തിയാക്കിയത്​. ചിത്രത്തിൽ ആസിഫ്​ അലിയുടെ സഹോദരൻ അസ്ക്കർ അലിയുടെ നായികയായാണ്​ ലിജോ അഭിനയിച്ചത്​. ചിത്രത്തിൽ താന്തോന്നിയായ പെൺകുട്ടിയുടെ റോൾ ആണ്​ തനിക്കെന്നും ലിജോ പറയുന്നു. ലൈബ്രറി സയൻസിൽ പിജി പൂർത്തിയാക്കിയ ലിജി ഇപ്പോൾ നെറ്റ്​ പരീക്ഷക്ക്​ ഒരുങ്ങുകയാണ്​. മമ്മുട്ടി നായകനായ സ്​ട്രീറ്റ്​ ലൈറ്റ്​ എന്ന സിനിമയിലും ലിജോ വേഷമിടുന്നുണ്ട്​.