എ ആര്‍ മുരുഗദോസ് ചിത്രത്തില്‍ ഇരട്ടവേഷത്തില്‍ രജനികാന്ത്!

എ ആര്‍ മുരുഗദോസ്സിന്റെ പുതിയ സിനിമയില്‍ നായകൻ രജനികാന്ത് ആണ്. ചിത്രത്തില്‍ ഇരട്ടവേഷത്തിലായിരിക്കും രജനികാന്ത് അഭിനയിക്കുകയെന്നാണ് പുതിയ റിപ്പോര്‍ട്ട്.

പൊലീസ് ഉദ്യോഗസ്ഥനായും സാമൂഹ്യപ്രവര്‍ത്തകനായും ആയിരിക്കും രജനികാന്ത് അഭിനയിക്കുക. നയൻതാരയായിരിക്കും നായിക. എ ആര്‍ മുരുഗദോസ് - രജനികാന്ത് ചിത്രം ഒരു പൊളിറ്റിക്കല്‍ ചിത്രമായിരിക്കുമെന്നായിരുന്നു ആദ്യം വന്ന റിപ്പോര്‍ട്ടുകള്‍. എന്നാല്‍ ഇത് നിഷേധിച്ച് എ ആര്‍ മുരുഗദോസ് തന്നെ പിന്നീട് രംഗത്ത് എത്തിയിരുന്നു. ഒരു മാസ് എന്റര്‍ടെയ്‍നറായിരിക്കുമെന്നും എല്ലാത്തരം പ്രേക്ഷകരെയും ആകര്‍‌ഷിക്കുന്നതായിരിക്കും ചിത്രമെന്നുമാണ് എ ആര്‍ മുരുഗദോസ് പറയുന്നത്. സന്തോഷ് ശിവനാണ് ഛായാഗ്രാഹകൻ. അനിരുദ്ധ് രവിചന്ദെര്‍ ആയിരിക്കും സംഗീത സംവിധാനം നിര്‍വഹിക്കുക. എ ആര്‍ മുരുഗദോസ് ഏറ്റവും ഒടുവില്‍ സംവിധാനം ചെയ്‍ത സര്‍ക്കാര്‍ വൻ ഹിറ്റായിരുന്നു.