അര്‍ജന്റീന ഫാൻസ് കാട്ടൂര്‍ക്കടവുമായി കാളിദാസ് ജയറാം

കാളിദാസ് ജയറാം നായകനായ മലയാള ചിത്രം ഏറെ കാത്തിരുന്നതിനു ശേഷമായിരുന്നു പ്രേക്ഷകരിലേക്ക് എത്തിയത്. വൈകി എത്തിയെങ്കിലും പൂമരത്തിലെ കാളിദാസിന്റെ അഭിനയം പ്രേക്ഷകര്‍ സ്വീകരിക്കുകയും ചെയ‍്തു. എന്തായാലും കാളിദാസ് ജയറാം  നായകനാകുന്ന പുതിയ മലയാള സിനിമയും പ്രഖ്യാപിച്ചിരിക്കുകയാണ്.  അര്‍ജന്റീന ഫാൻസ് കാട്ടൂര്‍ക്കടവ് എന്ന സിനിമയിലാണ് കാളിദാസ് ജയറാം നായകനാകുന്നത്.

മിഥുൻ മാനുവല്‍ തോമസ് ആണ് ചിത്രം സംവിധാനം ചെയ്യുന്നത്. അതേസമയം ജീത്തു ജോസഫ് സംവിധാനം ചെയ്യുന്ന സിനിമയിലും കാളിദാസ് ജയറാം നായകനാകുന്നുണ്ട്. അല്‍ഫോണ്‍സ് സംവിധാനം ചെയ്യുന്ന തമിഴ് സിനിമയിലും കാളിദാസ് ജയറാമാണ് നായകൻ.