ഇരയ്ക്കൊപ്പമെന്ന പേരില്‍ ആട്ടിന്‍ തോലണിഞ്ഞ പലരും മലയാള സിനിമയെ തന്നെ തകര്‍ക്കാന്‍ ശ്രമിക്കുന്നു

തിരുവനന്തപുരം: നടി ആക്രമിക്കപ്പെട്ട കേസില്‍ അറസ്റ്റിലായ ദിലീപിനെ വ്യക്തിഹത്യ നടത്തുകയും, റിലീസിനൊരുങ്ങുന്ന 'രാമലീല'യ്‌ക്കെതിരെ പ്രചരണം നടത്തുകയും ചെയ്ത ജിപി രാമചന്ദ്രനെതിരെ നടപടി വേണമെന്നാവശ്യപ്പെട്ട് ചലച്ചിത്ര അക്കാദമി ഡയറക്ടര്‍ കമലിന് നടന്‍ കിഷോര്‍ സത്യയുടെ തുറന്ന കത്ത്. സിനിമാ രംഗവുമായി ബന്ധപ്പെട്ട് പ്രവര്‍ത്തിക്കുന്ന ഒരാള്‍ക്കെങ്ങനെ തീയറ്റര്‍ കത്തിക്കാനും, പൈറസി ഇറക്കാനും, സിനിമ ബോയ്‌കോട്ട് ചെയ്യാനും പറയാന്‍ സാധിക്കും. 

ഇത്തരത്തില്‍ ഇരയ്ക്കൊപ്പമെന്ന പേരില്‍ ആട്ടിന്‍ തോലണിഞ്ഞ പലരും മലയാള സിനിമയെ തന്നെ തകര്‍ക്കാന്‍ ശ്രമിക്കുന്നുണ്ട്. നടിക്ക് നീതി കിട്ടണം എന്ന് ഉറച്ചു പറയുന്നു, പക്ഷേ ദിലീപ് നിരപരാധിയാണോ എന്ന് ചിന്തിക്കാനുള്ള വ്യക്തി സ്വാതന്ത്ര്യവും ഓരോരുത്തര്‍ക്കുമുണ്ട്. ഇത്തരത്തില്‍ മലയാള സിനിമയെ തന്നെ തകര്‍ക്കാനിറങ്ങിയിരിക്കുന്നവര്‍ക്കെതിരെ നടപടിയെടുക്കണമെന്ന് ആവശ്യപ്പെട്ടാണ് ഫെയ്‌സ്ബുക്ക് കുറിപ്പ്.