കോട്ടയം കുഞ്ഞച്ചന്‍റെ രണ്ടാം ഭാഗം വിവാദത്തില്‍; പേര് പിന്‍വലിക്കാമെന്ന് നിര്‍മ്മാതാവ് വിജയ് ബാബു

മമ്മൂട്ടിയുടെ ജനപ്രിയ ചിത്രം കോട്ടയം കുഞ്ഞച്ചന്‍റെ രണ്ടാം ഭാഗം വിവാദത്തില്‍. സിനിമയുടെ രണ്ടാം ഭാഗത്തിന് എതിരെ ആദ്യ സിനിമയിലെ അണിയറക്കാർ രംഗത്തെത്തിയതോടെ പേര് പിന്‍വലിക്കാമെന്ന് നിര്‍മ്മാതാവ് വിജയ് ബാബു. കോട്ടയം കുഞ്ഞച്ചനെന്ന സിനിമയുടെ നിര്‍മ്മാതാക്കള്‍ക്ക് എതിര്‍പ്പുണ്ടെങ്കില്‍ ആ പേര് സിനിമയ്ക്ക് ഇടുന്നില്ലെന്ന് നിര്‍മ്മാതാവ് വിജയ് ബാബു ഏഷ്യാനെറ്റ് ന്യൂസിനോട് പറഞ്ഞു. പുതിയ സിനിമയെക്കുറിച്ച് നിര്‍മ്മാതാക്കളുമായി ചര്‍ച്ച നടത്തിയ ശേഷമാണ് പേര് പ്രഖ്യാപിച്ചതെന്നും വിജയ് ബാബു പറഞ്ഞു.

രണ്ടാം ഭാഗത്തിന്റെ പ്രഖ്യാപനത്തിന് മുമ്പ് സംവിധായകനോ നിര്മ്മാതാവോ ചര്ച്ച നടത്തിയില്ലെന്ന്  ആദ്യ സിനിമയുടെ സംവിധായകന് ടി.എസ്.സുരേഷ് ബാബു. സിനിമയുടെ പകര്‍പ്പ് അവകാശത്തിനായി മുന്‍ അനുമതി തേടാതെയുള്ള പ്രഖ്യാപനത്തിന് എതിരെ ആദ്യ നിര്മ്മാതാവും തുറന്നടിച്ചു. മുൻ‌കൂർ അനുമതി തേടാതെയാണ് പ്രഖ്യാപനം നടത്തിയത് എന്ന് ചിത്രത്തിന്‍ ആദ്യ സംവിധായകൻ റ്റി.എസ്. സുരേഷ്ബാബു പറഞ്ഞു. കോട്ടയം കുഞ്ഞച്ചന്റെ രണ്ടാം ഭാഗത്തിനായി പകര്‍പ്പകവാശം നല്‍കില്ലെന്ന് ആദ്യ നിര്‍മ്മാതാവ് അരോമ മണി പറഞ്ഞു. അണിയറക്കാര്‍ മമ്മൂട്ടിയെ തെറ്റിദ്ധരിപ്പിച്ചാണ് പ്രഖ്യാപനം നടത്തിയതെന്നും സിനിമയുടെ പേരും പോസ്റ്ററും ഉള്‍പ്പെടുത്തി ഇനിയും മുന്നോട്ട് പോയാല്‍ നിയമപരമായി നേരിടുമെന്നും അരോമ മണി ഏഷ്യാനെറ്റ് ന്യൂസിനോട് പറഞ്ഞു. കോട്ടയം കുഞ്ഞച്ചൻ എന്ന പേരിൽ പുതിയ സിനിമ ഇറക്കാൻ നിയമ തടസം ഉണ്ട്. പകർപ്പ് അവകാശം വാങ്ങാതെ ആണ് പ്രഖ്യാപനം നടത്തിയത് എന്നു ആദ്യ പ്രൊഡ്യൂസർ അരോമ മണി പറഞ്ഞു.

ചിത്രത്തിന്റെ രണ്ടാം ഭാഗമായ കോട്ടയം കുഞ്ഞച്ചന്‍ 2-വിന്റെ പോസ്റ്റര്‍ തന്റെ ഔദ്യോഗിക ഫേസ്ബുക്ക് പേജിലൂടെ മമ്മൂട്ടി പുറത്തു വിട്ടത്.  യുവസംവിധായകന്‍ മിഥുന്‍ മാനുവല്‍ തോമസാണ് കോട്ടയം കുഞ്ഞച്ചന്റെ രണ്ടാം ഭാഗം സംവിധാനം ചെയ്യുന്നത് എന്നായിരുന്നു റിപ്പോര്‍ട്ട്.  ഫ്രൈഡേ ഫിലിംസിന്റെ ബാനറില്‍ വിജയ് ബാബുവാണ് ചിത്രം നിര്‍മ്മിക്കാന്‍‍ ഉദ്ദേശിച്ചിരുന്നത്.