അമ്മ യോഗത്തില്‍ പൃഥ്വിരാജിന്റെ നിലപാട്, മല്ലികാ സുകുമാരന്‍ വെളിപ്പെടുത്തുന്നു

നടിയെ ആക്രമിച്ച കേസില്‍‌ ദിലീപ് അറസ്റ്റിലായപ്പോള്‍ താരസംഘടനയായ അമ്മ പ്രാഥമികാംഗത്വത്തില്‍ നിന്ന് പുറത്താക്കിയിരുന്നു. പൃഥ്വിരാജിനെ തൃപ്‍തിപ്പെടുത്താനാകും മമ്മൂട്ടി ദിലീപിനെ പുറത്താക്കിയതെന്ന് പിന്നീട് ഗണേഷ് കുമാര്‍ പറഞ്ഞിരുന്നു. ഇത് വിവാദവുമായി. എന്നാല്‍ ഇത് ശരിയല്ലെന്നാണ് പൃഥ്വിരാജിന്റെ അമ്മയും നടിയുമായ മല്ലിക സുകുമാരന്‍ പറയുന്നത്. ഗൃഹലക്ഷ്‍മിക്ക് നല്‍കിയ അഭിമുഖത്തിലാണ് മല്ലിക സുകുമാരന്‍ ഇക്കാര്യം പറയുന്നത്.

രാജു പറഞ്ഞത് ഇങ്ങനെയാണ്, എനിക്ക് ഇക്കാര്യത്തില്‍ എന്റേതായ അഭിപ്രായങ്ങളുണ്ട്. ഞാനത് ബന്ധപ്പെട്ടവരോട് പറയും. എന്നിട്ട് ഞങ്ങളെല്ലാവരും കൂടി കൂട്ടായ ഒരു തീരുമാനമെടുക്കും. ആ തീരുമാനം എനിക്കും കൂടെ അനുകൂലമാണെങ്കില്‍ ഞാന്‍ തീര്‍ച്ചയായും അത് ശരിവയ്‍ക്കും. വ്യത്യസ്‍തമാണെങ്കില്‍ തിരിച്ചു വന്ന് ഞാന്‍ പറയും. വളരെ അര്‍ത്ഥവത്തായിരുന്നു അത്. അമ്മേ വെറും അഞ്ച് മിനിറ്റ് കൊണ്ട് യോഗം തീര്‍ന്നെന്ന് അവന്‍ എന്റെ അടുത്ത് പറഞ്ഞു. പിന്നീട് വന്ന വിവാദങ്ങളൊക്കെ പുറത്ത് വരുന്ന കഥകളാണ്. അല്ലെങ്കിലും ഞാന്‍ ചോദിക്കട്ടെ. പൃഥ്വി എപ്പോഴാണ് മധുരമായി സംസാരിച്ചിട്ടുള്ളത്. എപ്പോഴും പൃഥ്വിയുടെ ഭാഷയ്‍ക്ക് കടുപ്പമുണ്ടായിരുന്നു. ഇത് തന്നെയായിരുന്നു സുകുമാരന്റെയും കുഴപ്പം. പറയുന്ന ഭാഷയ്‍ക്ക് അതിന്റേതായ കരുത്തുണ്ട്, വ്യാഖ്യാനങ്ങളുണ്ട്. അത് കേള്‍ക്കുന്നവന് മനസ്സിലാകും'- മല്ലിക പറയുന്നു.