ചങ്കല്ല, ചങ്കിടിപ്പാണ് ലാലേട്ടന്; മഞ്ജുവിന്റെ 'മോഹന്ലാല്' ടീസര്
Synopsis
തിരുവനന്തപുരം: ലാലേട്ടന്റെ കട്ട ഫാനായി നടി മഞ്ജുവാര്യറെത്തുന്ന പുതിയ ചിത്രം മോഹന്ലാലിന്റെ ടീസര് പുറത്തിറങ്ങി. മഞ്ജു ലാല് ഫാനായി അഭിനയിക്കുന്ന ചിത്രമാണ് മോഹന്ലാല്. സാജിത്ത് യാഹിയ സംവിധാനം ചെയ്യുന്ന ചിത്രത്തില് ഇന്ദ്രജിത്താണ് നായകന്. സുനീഷ് വരനാടാണ് രചന.
മീനുക്കുട്ടി സേതുമാധവനെ കണ്ടുമുട്ടിയാല് എങ്ങിനെയിരിക്കും. മോഹന്ലാല് എന്ന പുതിയ ചിത്രത്തില് മഞ്ജുവാര്യരുടെ കഥാപാത്രത്തിന്റെ പേരാണ് മീനുക്കുട്ടി. ഇന്ദ്രജിത്ത് സേതുമാധവനായി വേഷമിടുന്നു. 1980ല് മഞ്ഞില് വിരിഞ്ഞ പൂക്കള് തിയേറ്ററുകളില് എത്തിയ ദിവസമാണ് മീനുക്കുട്ടി ജനിക്കുന്നത്. തുടര്ന്ന് മീനുക്കുട്ടിയുടെ ജീവിതത്തിലുണ്ടാകുന്ന ഓരോ സംഭവവും മോഹന്ലാലിന്റെ സിനിമകളുമായി ബന്ധപ്പെട്ട് കിടക്കുന്നു.
ജയസൂര്യയുടെ ഇടിയ്ക്ക് ശേഷം സാജിത്ത് യാഹിയ സംവിധാനം ചെയ്യുന്ന ചിത്രമാണ് മോഹന്ലാല്. സൗബിന് ഷാഹിര്, അജു വര്ഗ്ഗീസ്, ഉഷ ഉതുപ്പ് എന്നിവരും ചിത്രത്തിലുണ്ട്. ചങ്കല്ല, ചങ്കിടിപ്പാണ്, ലവ് മോഹന്ലാല് എന്ന ടാഗ് ലൈനിലാണ് ചിത്രം വരുന്നത്.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ