ദേവയാനിയെക്കൊണ്ട് സത്യം പറയിപ്പിക്കാൻ അഭിനയമിറക്കി കനകയും ഗോവിന്ദനും - പത്തരമാറ്റ് സീരിയൽ റിവ്യൂ

ഏഷ്യാനെറ്റിൽ സംപ്രേഷണം ചെയ്യുന്ന പത്തരമാറ്റ് സീരിയൽ റിവ്യൂ 

കഥ ഇതുവരെ 

നയനയുടെയും ദേവയാനിയുടെയും കള്ളക്കളി പൊളിക്കാനാണ് കനകയുടെ തീരുമാനം. അതുകൊണ്ട് അനന്തപുരിയിലെ സ്നേഹിക്കാത്ത അമ്മായിയമ്മയുടെ അടുത്തേയ്ക്ക് ഇനി നയനയെ പറഞ്ഞുവിടില്ലെന്ന് കനകയും ഗോവിന്ദനും കട്ടായം പറഞ്ഞു .ആദർശ് വന്ന് വിളിച്ചിട്ട് പോലും കൂടെ പോകാൻ നയന തയ്യാറായില്ല . ദേവയാനിയും അക്കാര്യത്തിൽ ആകെ വിഷമിച്ചിരിക്കുകയാണ്. അപ്പോഴാണ് ഇതേപ്പറ്റി സംസാരിക്കാൻ ജയൻ ദേവയാനിയുടെ അടുത്തേക്ക് ചെല്ലുന്നത്. ഇനി ഏഷ്യാനെറ്റിൽ സംപ്രേഷണം ചെയ്യുന്ന പത്തരമാറ്റ് സീരിയൽ റിവ്യൂ നോക്കാം.

----------------------------------------------

 അനന്തപുരിയിൽ എല്ലാവരും നയനയെ കാത്തിരിക്കുകയാണെന്ന് ജയൻ ദേവയാനിയോട് പറയുകയാണ്. എന്നാൽ തന്റെ സ്വഭാവം മാറ്റി താൻ അവളെപോയി വിളിക്കില്ലെന്ന് ദേവയാനി ജയനോട് പറഞ്ഞു. നയനയെ കാണാത്ത നല്ല വിഷമം മനസ്സിൽ ഉണ്ടെങ്കിലും ഇങ്ങനെയല്ല പറയാൻ പറ്റൂ. അതേസമയം ആദർശും നയന കൂടെ വരാത്ത വിഷമത്തിലാണ്. നയന ആദർശിന്റെ പല തവണ ഫോൺ ചെയ്‌തെങ്കിലും ആദർശ് ഫോണെടുക്കാൻ തയ്യാറായില്ല. അവൾ തന്റെ കൂടെ വരാത്ത ദേഷ്യവും സങ്കടവും ആദർശിനുണ്ട്. അതുകൊണ്ടാണ് അവൻ ഫോണെടുക്കാത്തത് . ഉറക്കം പോലുമില്ലാതെ ആദർശ് താഴെ സോഫയിൽ വന്നിരിക്കുന്നത് ദേവയാനി കാണുകയും നയന വരാത്തതിന്റെ വിഷമം ആദർശ് അമ്മയോട് പങ്കുവെക്കുകയും ചെയ്തു. 

ആദർശിന് ഉറക്കമില്ലെന്ന കാര്യം നയനയോട് പറയാൻ ദേവയാനി അവളെ ഫോൺ ചെയ്‌തെങ്കിലും ഫോണെടുക്കാൻ നയനക്ക് കഴിഞ്ഞില്ല. അത് അമ്മയോടുള്ള ദേഷ്യം കൊണ്ടല്ല കേട്ടോ, നന്ദു നയനയുടെ അടുത്ത് കിടപ്പുണ്ടായിരുന്നു. കാൾ വന്നപ്പോൾ അവൾ ഫോണെടുത്ത് നോക്കുകയും ദേവയാനി ആണെന്ന് മനസ്സിലാക്കുകയും ചെയ്തിരുന്നു. ഈ നേരത്ത് അമ്മായിയമ്മയുടെ കാൾ എടുക്കേണ്ടതില്ലെന്ന് നന്ദു നയനയോട് പറയുകയായിരുന്നു. ചുരുക്കിപ്പറഞ്ഞാൽ ആകെ പെട്ട അവസ്ഥയിലാണ് നയന. 

എന്തായാലും ഈ കാര്യത്തിന് ഉടനെ ഒരു പോംവഴി ഉണ്ടാക്കണമെന്ന് ദേവയാനി തീരുമാനിക്കുകയും അങ്ങനെ പിറ്റേന്ന് തന്നെ  ക്ഷേത്രത്തിൽ പോയി പ്രാർത്ഥിച്ച ശേഷം ഗോവിന്ദന്റെ വീട്ടിലെത്തുകയും ചെയ്തു. ദേവയാനിയുടെ വരവ് കണ്ടപ്പോഴേ കനകയ്ക്കും ഗോവിന്ദനും കാര്യം മനസ്സിലായി. എന്നാൽ നിങ്ങളുടെ നാടകം ഞങ്ങൾ കയ്യോടെ പൊളിക്കുമെന്ന് തീരുമാനിച്ചിരിക്കുകയാണ് അവർ. അതുകൊണ്ട് തന്നെ ഗോവിന്ദൻ തന്റെ നിലപാട് ദേവയാനിയോട് വ്യക്തമാക്കി. എന്തായാലും നയനയ്ക്ക് ഇനി ഇക്കാര്യത്തിൽ എന്താണ് പറയാനുള്ളതെന്ന് നമുക്ക് നോക്കാമെന്നാണ് ദേവയാനി പറഞ്ഞത് . നയനയുടെ തീരുമാനമറിയാൻ വേണ്ടി കാത്ത് നിൽക്കുന്ന ദേവയാനിയെ കാണിച്ചുകൊണ്ടാണ് ഇന്നത്തെ എപ്പിസോഡ് അവസാനിക്കുന്നത്. സംഭവബഹുലമായ കഥകളുമായി പത്തരമാറ്റ് ഇനി അടുത്ത എപ്പിസോഡിൽ കാണാം.