ഫേസ്ബുക്ക് സിനിമാ ഗ്രൂപ്പ് മൂവി സ്ട്രീറ്റ് ഏര്പ്പെടുത്തിയ 2017 ലെ ചലച്ചിത്ര പുരസ്കാരങ്ങള് പ്രഖ്യാപിച്ചു. ഫഹദ് ഫാസില് മികച്ച നടനായും മഞ്ജു വാര്യരും ഐശ്വര്യ ലക്ഷ്മിയും മികച്ച നടിമാരായും തെരഞ്ഞെടുക്കപ്പെട്ടു. തൊണ്ടി മുതലും ദൃക്സാക്ഷിയുമാണ് മികച്ച ചിത്രം. രാമലീലയാണ് പോപ്പുലര് സിനിമയായി തെരഞ്ഞെടുക്കപ്പെട്ടത്.
മികച്ച വില്ലനായി തെരഞ്ഞെടുക്കപ്പെട്ടത് അങ്കമാലി ഡയറീസില് അപ്പാനി രവിയായി അഭിനയിച്ച ശരത് കുമാര് (അപ്പാനി ശരത്) ആണ്. അങ്കമാലി ഡയറീസിലെതന്നെ കേന്ദ്രകഥാപാത്രത്തെ അവതരിപ്പിച്ച ആന്റണി വര്ഗ്ഗീസും തൊണ്ടിമുതലും ദൃക്സാക്ഷിയുമെന്ന ചിത്രത്തിലെ നിമിഷ സജയനുമാണ് നവാഗത താരങ്ങള്.
അങ്കമാലി ഡയറീസ് സംവിധായകന് ലിജോ ജോസ് പെല്ലിശ്ശേരിയാണ് മികച്ച സംവിധായകന്. ഔസേപ്പച്ചന്, ജോണ്പോള് പുതുശ്ശേരി, സംവിധായകന് മോഹന് എന്നിവര്ക്ക് ലൈഫ് ടൈം അച്ചീവ്മെന്റ് പുരസ്കാരം നല്കി.
ഫേസ്ബുക്ക് ഗ്രൂപ്പായ മൂവിസ്ട്രീറ്റ് അംഗങ്ങള്ക്കിടയില് നടത്തിയ വോട്ടിംഗിലാണ് വിജയികളെ തെരഞ്ഞെടുത്തത്. ദിലീഷ് നായര്, ശ്യാം പുഷ്കരന് എന്നിവര്ക്കാണ് മികച്ച തിരക്കഥയ്ക്കുള്ള പുരസ്കാരം ലഭിച്ചത്.
റെക്സ് വിജയന്(മികച്ച സംഗീത സംവിധായകന്), ഷാന് റഹ്മാന്(പശ്ചാത്തല സംഗീതം), സൗബിന് ഷാഹിര്(പുതുമുഖ സംവിധായകരന്), ഷഹബാസ് അമന്( മികച്ച ഗായകന്), ഗൗരി ലക്ഷ്മി(മികച്ച ഗായിക), ഗിരീഷ് ഗംഗാധരന് (മികച്ച ഛായാഗ്രാഹകന്), വിനായക് ശശികുമാര് (മികച്ച ഗാനരചയിതാവ്) തുടങ്ങിയവരും പുരസ്കാരങ്ങള് സ്വന്തമാക്കി.
മൂവീ സ്ട്രീറ്റ് അവാര്ഡ് ലിസ്റ്റ് 2017