മൃദുലയുടെ കൈകള്‍ ഭാവന തട്ടിമാറ്റി എന്തിന്; മൃദുല തന്നെ പറയുന്നു

തൃശ്ശൂര്‍: ഭാവനയുടെ വിവാഹ വിശേഷങ്ങളാണ് നവമാധ്യമങ്ങളിൽ ഇപ്പോഴും കറങ്ങി നടക്കുന്നത്. അതേസമയം കല്യാണ മേളങ്ങള്‍ക്കൊപ്പം കൂട്ടുകാരിയായ നടി മൃദുല മുരളിയുടെ കൈകള്‍ ഭാവന തട്ടിമാറ്റിയ വിഡിയോയും അതിനൊപ്പം പല ഗോസിപ്പുകളും നിറഞ്ഞു. എന്നാല്‍ ഇതിന്റെ സത്യാവസ്ഥ മൃദുല തന്നെ വെളിപ്പെടുത്തുകയാണ്.എല്ലാം നേരത്തെ പ്ലാന്‍ ചെയ്തതായിരുന്നു. തലേന്ന് മൈലാഞ്ചിക്കല്യാണത്തിന് അടക്കം ഞങ്ങള്‍ അത്ര ആഘോഷത്തിലായിരുന്നു.

കല്യാണത്തിന്‍റെ അന്ന് ഞങ്ങള്‍ ആറുപേരും കോഫി ബ്രൗണ്‍ സാരി ഉടുക്കണമെന്നതടക്കം പ്ലാന്‍ ചെയ്തു. വേദിയിലേക്ക് ഭാവേച്ചി കടന്നുവരുമ്പോള്‍ ഞങ്ങള്‍ അവിടെ ഉണ്ടാകണം എന്നതായിരുന്നു തീരുമാനം. ഞങ്ങള്‍ ഹോട്ടലില്‍ നിന്ന് ഒരുങ്ങിയിറങ്ങി ട്രാഫിക്കില്‍ പെട്ടുപോയി. അതോടെ പണിപാളി. പത്തുമിനിറ്റ് വൈകിയ ഞങ്ങളോട് ഭാവേച്ചി ദേഷ്യത്തിലായി. ഇനി നിങ്ങള്‍ ഇങ്ങോട്ട് വരേണ്ട എന്നൊക്കെ വിളിച്ചുപറഞ്ഞ് പിണങ്ങി. 

സന്തോഷന്മമാണെങ്കിലും സങ്കടമാണെങ്കിലും ദുഃഖമാണെങ്കിലും അത് പ്രകടിപ്പിച്ചിരിക്കും മൃദുല വ്യക്തമാക്കി. ഭാവേച്ചിയുടെ പിണക്കം മാറ്റാന്‍ ചേര്‍ത്തുപിടിച്ച് ഒരു സോറി പറഞ്ഞ എന്നോട് ആ പരിഭവം കാട്ടിയ ഭാവനയെയാണ് നിങ്ങള്‍ ആ വിഡിയോയില്‍ കണ്ടത്. ഇതാണ് ആളുകള്‍ വളച്ചൊടിച്ചത്.