നയന്‍താര വിവാഹത്തിനൊരുങ്ങുന്നു?

തെന്നിന്ത്യന്‍ താരറാണി നയന്‍താര വിവാഹത്തിനൊരുങ്ങുന്നതായി റിപ്പോര്‍ട്ടുകള്‍. നയന്‍സും സംവിധായകന്‍ വിഘ്‌നേഷ് ശിവനും വിവാഹിതരാകാന്‍ ഒരുങ്ങുന്നുന്നും അടുത്ത ഇരുവരും വിവാഹിതരാകുമെന്നാണ് തമിഴ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഇപ്പോള്‍ കരാറായിരിക്കുന്ന ചിത്രങ്ങള്‍ പൂര്‍ത്തിയാക്കിയ ശേഷം ഇരുവരും വിവാഹം കഴിക്കുമെന്നാണ് റിപ്പോര്‍ട്ട്.

ഇരുവരും പ്രണയത്തിലാണെന്ന് നേരത്തെ വാര്‍ത്ത വന്നിരുന്നു. വിഘ്‌നേഷ് ശിവന്‍ സംവിധാനം ചെയ്ത നാനും റൗഡി താന്‍ എന്ന ചിത്രത്തില്‍ നയന്‍താരയായിരുന്നു നായിക. ഒരിടവേളയ്ക്ക് ശേഷം നയന്‍സിന് നിരവധി അഭിനന്ദനങ്ങള്‍ ലഭിച്ച ചിത്രമാണ് നാനും റൗഡി താന്‍. പ്രണയ ഗോസിപ്പുകള്‍ തള്ളിക്കളയാതിരുന്ന ഇരുവരും ചലച്ചിത്ര അവാര്‍ഡ് നിശകളിലും മറ്റ് പൊതുപരിപാടികളിലും ഒരുമിച്ചാണ് പങ്കെടുക്കുന്നത്.

കഴിഞ്ഞ ഓണത്തിന് ഇരുവരും ഒരുമിച്ച് നില്‍ക്കുന്ന ചിത്രം പോസ്റ്റ് ചെയ്താണ് നയന്‍താര മലയാളികള്‍ക്ക് ഓണാശംസകള്‍ നേര്‍ന്നത്. കാര്‍ത്തി നായകനായ കഷ്‌മോരയാണ് നയന്‍സിന്റെ ഏറ്റവും പുതിയ ചിത്രം.