നീരജ് മാധവന്‍റെ 'പൈപ്പിന്‍ ചുവട്ടിലെ പ്രണയം'; ചിത്രീകരണം പൂര്‍ത്തിയായി

നീരജ് മാധവന്‍ നായകനാകുന്ന  ' പൈപ്പിന്‍ ചുവട്ടിലെ പ്രണയത്തിന്‍റെ ' ചിത്രീകരണം പൂര്‍ത്തിയായി. നവാഗതനായ ഡൊമിന്‍ ഡിസില്‍വയാണ് സിനിമ സംവിധാനം ചെയ്യുന്നത്. ഐശ്വര്യ സ്നേഹാ മുവി മേക്കേഴ്സിന്‍റെ ബാനറില്‍ വിജയകുമാര്‍ പാലക്കുന്നാണ് ചിത്രത്തിന്‍റെ നിര്‍മ്മാണം. 

ഒരു ദ്വീപില്‍ ഒറ്റപ്പെട്ട് കഴിയുന്ന കുടുംബങ്ങളിലൂടെയാണ് ചിത്രത്തിന്‍റെ കഥ മുന്നോട്ട് പോകുന്നത്. പ്രണയവും, ചിരിയും ഇടകലര്‍ത്തി സാമൂഹിക പ്രശ്നങ്ങളെ സമീപിക്കുന്ന ചിത്രമാണിതെന്നാണ് സംവിധായകന്‍ ഡോമിന്‍ ഡിസില്‍വ പറയുന്നത്. ജേക്കബിന്‍റെ സ്വര്‍ഗരാജ്യത്തിലൂടെ സിനിമയിലെത്തിയ റീബാ ജോണാണ് ഇതില്‍ നായിക.  അജു വര്‍ഗീസ്, ഇന്ദ്രന്‍സ്, ചെമ്പില്‍ അശോകന്‍, തെസ്നി ഖാന്‍, ധര്‍മ്മജന്‍ ബോള്‍ഗാട്ടി തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങള്‍.