നിഗൂഢത അവസാനിക്കുന്നില്ല; 3.43 മിനിറ്റില് 'ഒടിയന്റെ' പുതിയ ടീസര്
Synopsis
123 ദിവസത്തെ ചിത്രീകരണം ഏപ്രില് അവസാനം പൂര്ത്തിയായി മോഹന്ലാലിന്റെ വമ്പന് മേക്കോവര്
പ്രഖ്യാപിച്ചത് മുതല് മലയാളികളായ സിനിമാപ്രേമികളുടെ സജീവശ്രദ്ധയിലുള്ള മോഹന്ലാല് ചിത്രം 'ഒടിയന്റെ' പുതിയ ടീസര് പുറത്തെത്തി. മോഹന്ലാലിന്റെ നായകകഥാപാത്രം കാശിയിലെ തെരുവിലൂടെ നടക്കുന്നതിന്റെ പിന്ദൃശ്യമാണ് സ്ലോ മോഷനില് ടീസറില് ഉള്ളത്. വീഡിയോയ്ക്ക് 3.43 മിനിറ്റ് ദൈര്ഘ്യമുണ്ടെങ്കിലും ബാക്കി ചിത്രത്തിന്റെ പ്രധാന ടൈറ്റില്സാണ്.
പരസ്യചിത്ര സംവിധായകന് ശ്രീകുമാര് മേനോന് ആദ്യമായി സംവിധാനം ചെയ്യുന്ന സിനിമയില് മഞ്ജു വാര്യരാണ് നായിക. ദേശീയ അവാര്ഡ് ജേതാവ് ഹരികൃഷ്ണന്റേതാണ് തിരക്കഥ. പുലിമുരുകന് ഉള്പ്പെടെയുള്ള ചിത്രങ്ങള്ക്ക് ഛായാഗ്രഹണം നിര്വ്വഹിച്ച ഷാജികുമാറിന്റേതാണ് ക്യാമറ. റഫീഖ് അഹമ്മദിന്റെ വരികള്ക്ക് എം.ജയചന്ദ്രന് സംഗീതം പകരുന്നു. പുലിമുരുകനിലൂടെ മലയാളി സിനിമാപ്രേമിയെ ഞെട്ടിച്ച പീറ്റര് ഹെയ്നാണ് ചിത്രത്തിന്റെ സംഘട്ടനസംവിധാനം നിര്വ്വഹിക്കുന്നത്.
123 ദിവസം നീണ്ടുനിന്ന ചിത്രീകരണം പൂര്ത്തിയായതിന്റെ സന്തോഷം ഏപ്രില് അവസാനവാരം മോഹന്ലാല് ഫേസ്ബുക്കിലൂടെ പങ്കുവച്ചിരുന്നു. പാലക്കാട്, ഉദുമല്പ്പെട്ട്, പൊള്ളാച്ചി, ഹൈദരാബാദ്, കാശി, വാഗമണ് എന്നിവിടങ്ങളിലായിരുന്നു ചിത്രീകരണം. വാഗമണ്ണിലാണ് ചിത്രം പാക്കപ്പായത്.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ