ഏറ്റവും പ്രിയപ്പെട്ട കഥാപാത്രത്തെ കുറിച്ച് ധനുഷ്

വേലൈ ഇല്ലാ പട്ടാതാരിയിലെ(വിഐപി) രഘുവരന്‍ എന്ന കഥാപാത്രം തന്റെ ഹൃദയത്തോട് ചേര്‍ന്ന് നില്‍ക്കുന്നതാണെന്ന് ധനുഷ്. എനിക്ക് ആ കഥാപാത്രത്തെ വിട്ടുപോകാനായില്ല. അതുകൊണ്ടാണ് ഒരു രണ്ടാം ഭാഗം എടുക്കാന്‍ തീരുമാനിച്ചത്. മികച്ച ഒരു തിരക്കഥയും നമുക്കുണ്ടായിരുന്നു. പ്രേക്ഷകര്‍ ഇഷ്‍ടപ്പെടും എന്നുതന്നെയാണ് പ്രതീക്ഷയെന്നും ധനുഷ് പറഞ്ഞു.

വേലൈ ഇല്ലാ പട്ടാതാരിയുടെ രണ്ടാം ഭാഗത്തില്‍ കാജോളും ഒരു പ്രധാന കഥാപാത്രത്തെ അവതരിപ്പിക്കുന്നു. അമലാ പോളാണ് നായിക. വിവേക്, സമുദ്രക്കനി, സരണ്യ തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.