ബിജെപിയില് ചേരുമെന്ന വാര്ത്ത നിഷേധിച്ച് സഞ്ജയ് ദത്ത്
Synopsis
മുംബൈ: താന് ബിജെപിയില് ചേരുമെന്ന വാര്ത്തകള് നിരസിച്ച് ബോളിവുഡ് താരം സഞ്ജയ് ദത്ത് രംഗത്ത്. കഴിഞ്ഞ ഞായറാഴ്ച മഹാരാഷ്ട്ര ദിനത്തോടനുബന്ധിച്ചു മുംബൈയില് ബിജെപി നടത്തിയ പരിപാടിയില് സഞ്ജയ് ദത്ത് പങ്കെടുത്തിരുന്നു. ഇതേ തുടര്ന്നാണ് സഞ്ജയ് ദത്ത് ബിജെപിയില് ചേരുമെന്ന വാര്ത്തകള് പ്രചരിച്ചത്.
തന്റെ സുഹൃത്തും ബിജെപി നേതാവുമായ മൊഹിത് കംബോജ് നേതൃത്വം നല്കിയ പരിപാടിയില് അദേഹത്തെ സന്തോഷിപ്പിക്കുന്നതിനു വേണ്ടിയാണു താന് പങ്കെടുത്തത്. അതു ബിജെപിയുടെ പരിപാടിയാണോ എന്നു നോക്കിയിട്ടല്ല പങ്കെടുത്തതെന്നും സഞ്ജയ് ദത്ത് പറഞ്ഞു. അടുത്ത മഹാരാഷ്ട്ര നിയമസഭാ തെരഞ്ഞെടുപ്പില് മൊഹിതിനെ തെരഞ്ഞെടുക്കണമെന്നും സഞ്ജയ് പരിപാടിയില് അഭ്യര്ഥിച്ചിരുന്നു.
പരിപാടിയില് സഞ്ജയുടെ സാന്നിധ്യം ഏറെ ചര്ച്ച ചെയ്യപ്പെട്ടിരുന്നു. സഞ്ജയ് ദത്തിന്റെ പിതാവ് സുനില് ദത്തും സഹോദരി പ്രിയ ദത്തും കോണ്ഗ്രസുമായി സഹകരിച്ചു പ്രവര്ത്തിക്കുന്നവരാണ്.
, BJP, mumbai, സഞ്ജയ് ദത്ത്, ബിജെപി
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ