മുരുഗദോസ് ചിത്രത്തിന് ക്യാമറ ചലിപ്പിക്കാൻ സന്തോഷ് ശിവൻ

സംവിധായകൻ എ ആര്‍ മുരുഗദോസ്സും ഛായാഗ്രാഹകൻ സന്തോഷ് ശിവനും വീണ്ടും ഒന്നിക്കുന്നു. രജനികാന്തിനെ നായകനാക്കി എ ആര്‍ മുരുഗദോസ് സംവിധാനം ചെയ്യുന്ന ചിത്രത്തിനു വേണ്ടിയാണ് സന്തോഷ് ശിവൻ ക്യാമറ ചലിപ്പിക്കുക.

നേരത്തെ എ ആര്‍ മുരുഗദോസ്സിന്റെ തുപ്പാക്കി, സ്പൈഡര്‍ എന്നീ ചിത്രങ്ങള്‍ക്ക് വേണ്ടി സന്തോഷ് ശിവൻ ഛായാഗ്രഹണം നിര്‍വഹിച്ചിരുന്നു. എ ആര്‍ മുരുഗദോസ്സ് രജനികാന്തിനെ നായകനാക്കി ഒരു ഫാന്റസി ആക്ഷൻ ത്രില്ലറാണ് ഒരുക്കുന്നത് എന്നാണ് റിപ്പോര്‍ട്ട്. അതേസമയം എ ആര്‍ മുരുഗദോസ് ഏറ്റവും ഒടുവില്‍ സംവിധാനം ചെയ്‍ത വിജയ് ചിത്രം സര്‍ക്കാര്‍ വൻ ഹിറ്റായിരുന്നു.