കെപിഎസി ലളിതയെ സ്ഥാനാര്ത്ഥിയാക്കാത്തതില് പൊട്ടിത്തെറിച്ച് ഷീല
Synopsis
കെപിഎസി ലളിതയെ സ്ഥാനാര്ത്ഥിയാക്കാത്തതില് പൊട്ടിത്തെറിച്ച് സഹപ്രവര്ത്തകയായ നടി ഷീല. ഇത്ര അനുഭവപരിചയമുളള നടിക്കെതിരെ എന്തുകൊണ്ട് സിപിഎം പ്രവര്ത്തകര് തന്നെ പ്രകടനം നടത്തിയെന്നും ഷീല ചോദിച്ചു.
സിനിമാരംഗത്തുളളവര് രാഷ്ട്രീയത്തിലേക്ക് വരുന്നത് നല്ലതാണെന്നാണ് ഷീലയുടെ അഭിപ്രായം. പണത്തിനും പ്രശസ്തിക്കും നടീനടൻമാര്ക്ക് രാഷ്ട്രീയം തെരഞ്ഞെടുക്കേണ്ട കാര്യമില്ല. അവര് ഉന്നതസ്ഥാനത്ത് എത്തിയാല് ജനങ്ങള്ക്ക് ഉപകാരപ്രദമായ പലതും ചെയ്യാനാകും. നടൻ സുരേഷ് ഗോപി ഇതിന് മികച്ച ഉദാഹരണമാകുമെന്നും ഷീല പറഞ്ഞു.
എന്നാല് കെപിഎസി ലളിതയെ വടക്കാഞ്ചേരിയില് മത്സരിപ്പിക്കാൻ തീരുമാനിച്ചിട്ടും പിന്നീട് സിപിഎം എന്തുകൊണ്ടു ഒഴിവാക്കി? ഇത് തീര്ത്തും പ്രതിഷേധാര്ഹമാണ് - ഷീല പറഞ്ഞു.
ആലുവയില് ജനസേവ കോണ്ഗ്രസ് സ്ഥാനാര്ത്ഥിയായി മത്സരിക്കുന്ന ജോസ് മാവേലിയുടെ പ്രചാരണത്തിനായി എത്തിയതാണ് ഷീല. പല പ്രമുഖ പാര്ട്ടികളുടെയും പ്രചാരണത്തിന് മുതിര്ന്ന നേതാക്കള് ക്ഷണിച്ചുവെങ്കിലും താത്പര്യമില്ലെന്ന് അറിയിക്കുകയായിരുന്നുവെന്നും ഷീല പറഞ്ഞു.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ