രാഘവേന്ദ്ര റാവുവിനെതിരെ തപ്സി പാനു രംഗത്ത്

തെലുങ്ക് സിനിമയിലെ പ്രമുഖ സംവിധായകന്‍ കെ.രാഘവേന്ദ്ര റാവുവിന് എതിരെ ചലച്ചിത്ര നടി തപ്സി പാനു രംഗത്ത്. തപസിയുടെ ആദ്യ ടോളിവുഡ് ചിത്രത്തിന്‍റെ സംവിധായകനായിരുന്നു ഈ സീനിയര്‍ സംവിധായകന്‍. ബോളിവുഡ് ചിത്രങ്ങളിലും തെലുങ്കിലും ധാരാളാമായി കാണാറുള്ള രംഗമാണ് നായികയുടെ ദേഹത്ത് പൂവ് കൊണ്ട് എറിയുന്ന നായകന്‍റെത്. എന്നാല്‍ ഇതിനോട് തപ്സിയ്ക്ക് യോജിപ്പില്ല. ഇതിനെതിരെ ഒരു ചാറ്റ് ഷോയില്‍ തപ്സി തുറന്നടിക്കുകയായിരുന്നു.

തന്‍റെ ആദ്യ സിനിമയിലെ രംഗം സൂചിപ്പിച്ചു കൊണ്ടായിരുന്നു തപ്സി നിലപാട് വ്യക്തമാക്കിയത്. നായികയുടെ ശരീരത്തിന്‍റെ പിന്‍ ഭാഗത്ത് നായകന്‍ തേങ്ങ ഉപയോഗിച്ച് എറിയുന്ന രംഗമുണ്ടായിരുന്നു. എന്നാല്‍ ആ രംഗത്തിന്‍റെ ആവശ്യത്തേയോ അര്‍ത്ഥത്തേയോ തനിക്ക് മനസിലായില്ലെന്ന് തപ്സി പറയുന്നു. പക്ഷെ ശ്രീദേവിയടക്കമുള്ള നായകമാരെ ലോഞ്ച് ചെയ്തയാളായിരുന്നു സംവിധായകനാണ് റാവു എന്നും അതിനാല്‍ മറുത്ത് പറഞ്ഞിട്ട് കാര്യമില്ലായിരുന്നുവെന്നും തപ്സി പറഞ്ഞു.

ഒരു പെണ്‍കുട്ടിയുടെ ശരീരത്തിന്റെ പിന്‍ഭാഗത്ത് അടിക്കുന്നത് കൊണ്ടോ, അവരുടെ വയറില്‍ പൂവ് കൊണ്ടോ മറ്റോ എറിയുന്നതുമൂലമോ എങ്ങനെ റൊമാന്‍സ് ആകുമെന്നും തപ്സി ചോദിക്കുന്നു. എന്ത് വികാരമാണ് അതുകൊണ്ട് സൃഷ്ടിക്കാന്‍ കഴിയുക എന്നാണ് തപ്സി ചോദിക്കുന്നത്.

ആദ്യ കാലങ്ങളില്‍ തന്നെ വെറും ഗ്ലാമര്‍ താരമായി മാത്രമേ കണ്ടിന്നിരുന്നുള്ളുവെന്നും എന്നാല്‍ ഇപ്പോള്‍ തനിക്ക് ശക്തമായ സ്ത്രീകഥാപാത്രങ്ങളും ലഭിക്കുന്നുണ്ടെന്നും തപ്സി പറയുന്നു.