തല കലക്കും, വിശ്വാസത്തില്‍ സ്റ്റൈലൻ സ്ലാംഗ്!

തമിഴകത്തിന്റെ തല അജിത് നായകനാകുന്ന വിശ്വാസത്തിനായി കാത്തിരിക്കുകയാണ് ആരാധകര്‍. ശിവ സംവിധാനം ചെയ്യുന്ന വിശ്വാസം ഒരു ഗംഭീര ആക്ഷൻ ത്രില്ലര്‍ ആയിരിക്കുമെന്നാണ് കരുതുന്നത്. അതേസമയം സിനിമയെ കുറിച്ച് മറ്റൊരു വാര്‍ത്ത കൂടി. ചിത്രത്തില്‍ അജിത് മധുരൈ സ്ലാംഗില്‍ ആയിരിക്കുമെന്നാണ് റിപ്പോര്‍ട്ട്.

ചിത്രത്തില്‍ സാള്‍ട് ആന്‍ഡ് പെപ്പര്‍ ലുക്കിലും തല നരയ്‍ക്കാത്ത ലുക്കിലും അജിത് അഭിനയിക്കുന്നുണ്ട്.  ചിത്രത്തില്‍ അജിത് ഇരട്ടവേഷത്തിലായിരിക്കും അഭിനയിക്കുക. പൊലീസ് ഉദ്യോഗസ്ഥനാണ് ഒരു കഥാപാത്രമെന്നായിരുന്നു റിപ്പോര്‍ട്ട്. നിരവധി ഷൂട്ടിംഗ് ആക്ഷന്‍ രംഗങ്ങള്‍ ചിത്രത്തിലുണ്ട്. ചിത്രത്തിനായി ചെന്നൈ റൈഫിള്‍ ക്ലബില്‍ അജിത് ഷൂട്ടിംഗില്‍ പരിശീലനം നേടിയിരുന്നു. അതേസമയം മധുര സ്വദേശിയായ കഥാപാത്രമായും അജിത് ചിത്രത്തിലുണ്ടാകും എന്നാണ് പുതിയ റിപ്പോര്‍ട്ട് വിശ്വാസത്തില്‍ അജിത് ഒരു പാട്ടും ആലപിക്കുന്നുണ്ട്. നായികയായി അഭിനയിക്കുന്നത് നയൻതാരയാണ്. പൊങ്കലിന് ചിത്രം റിലീസ് ചെയ്യും. വീരം, വേതാളം, വിവേഗം എന്നീ ചിത്രങ്ങളാണ് ശിവയും അജിത്തും മുമ്പ് ഒന്നിച്ച ചിത്രങ്ങള്‍.