കമലഹാസനും രാഷ്ട്രീയത്തിലേക്ക് ?

ചെന്നൈ: സൂപ്പര്‍ സ്റ്റാര്‍ രജനീകാന്തിന് പിന്നാലെ രാഷ്ട്രീയ പ്രവേശന സൂചന നല്‍കി ഉലകനായകന്‍ കമലഹാസനും. താൻ നേതാവായാൽ എന്തുചെയ്യുമെന്ന്​ സൂചിപ്പിക്കുന്നതാണ്​ എട്ട്​ വരി കവിത പുറത്തുവിട്ടാണ് കമല്‍ രാഷ്ട്രീയ പ്രവേശന സൂചന നല്‍കിയത്. മുഖ്യമന്ത്രി, നേതാവ്​ എന്നീ അർഥമുള്ള ‘മുതൽവർ’ എന്ന തലക്കെട്ടിലാണ്​ കമലഹാസൻ കവിത ട്വിറ്ററിൽ പോസ്​റ്റ്​ ചെയ്​തത്​.

നമ്മൾ രാജാക്കൻമാരല്ലെന്ന്​ തിരിച്ചറിയുക, നമ്മൾ വികാരപരമായി പ്രതികരിക്കരുത്​, കാരണം നമ്മൾ നിങ്ങളെ പോലെ രാജാക്കൻമാരല്ല. അടിച്ചമർത്തപ്പെടുന്നവർക്ക്​ വേണ്ടി നമ്മൾ പോരാട്ടം തുടരും, നമ്മൾ (ജനങ്ങൾ) തീരുമാനിക്കുന്ന ദിവസം നമ്മൾ മുഖ്യമന്ത്രിയാകും.

ഞങ്ങൾ അടിമകളാണെന്ന്​ കരുതരുത്​.എന്നിങ്ങനെയാണ്​  കവിത തുടരുന്നത്​. വൈകാതെ താൻ സുപ്രധാന പ്രഖ്യാപനം നടത്തുമെന്നും കമലഹാസൻ പറയുന്നു. അടുത്തിട സ്റ്റൈൽ മന്നൻ രജനികാന്തും രാഷ്​ട്രീയത്തിലേക്ക്​ വരുമെന്ന് അഭ്യൂഹങ്ങൾ ഉണ്ടായിരുന്നു.