ദഹനക്കേട് അകറ്റാന് പതിവായി കഴിക്കേണ്ട എട്ട് ഭക്ഷണങ്ങള്...
Synopsis
വയറ്റിനകത്ത് കാണപ്പെടുന്ന നല്ലയിനം ബാക്ടീരിയകളുടെ എണ്ണം വര്ധിപ്പിക്കാന് സഹായിക്കുന്ന ഭക്ഷണങ്ങളാണ് കുടലിന്റെ ആരോഗ്യത്തിനായി കഴിക്കേണ്ടത്.
ദഹന പ്രശ്നങ്ങള് അനുഭവിക്കാത്തവരായി ആരുമുണ്ടാകില്ല. കുടലിന്റെ ആരോഗ്യത്തിനായി ഭക്ഷണ കാര്യത്തില് പ്രത്യേകം ശ്രദ്ധ വേണം. വയറ്റിനകത്ത് കാണപ്പെടുന്ന നല്ലയിനം ബാക്ടീരിയകളുടെ എണ്ണം വര്ധിപ്പിക്കാന് സഹായിക്കുന്ന ഭക്ഷണങ്ങളാണ് കുടലിന്റെ ആരോഗ്യത്തിനായി കഴിക്കേണ്ടത്. അത്തരത്തില് ദഹനം മെച്ചപ്പെടുത്താനും കുടലിന്റെ ആരോഗ്യത്തിനായും കഴിക്കേണ്ട ചില ഭക്ഷണങ്ങളെ പരിചയപ്പെടാം.
ഒന്ന്...
തൈരാണ് ആദ്യമായി ഈ പട്ടികയില് ഉള്പ്പെടുന്നത്. പ്രോബയോട്ടിക്ക് ഭക്ഷണമാണ് തൈര്. വയറ്റിനകത്ത് കാണപ്പെടുന്ന നല്ലയിനം ബാക്ടീരിയകളുടെ എണ്ണം വര്ധിപ്പിക്കാന് ഇവ സഹായിക്കും. ദിവസവും തൈര് ഡയറ്റില് ഉള്പ്പെടുത്തുന്നത് ദഹനം മെച്ചപ്പെടുത്താനും വയര് വീര്ത്തിരിക്കുന് അവസ്ഥയെ അകറ്റാനും വയറ്റിലെ അസ്വസ്ഥതകള് കുറയ്ക്കാനും കുടലിന്റെ ആരോഗ്യം സംരക്ഷിക്കാനും ഗുണം ചെയ്യും.
രണ്ട്...
ഇഞ്ചിയാണ് രണ്ടാമതായി ഈ പട്ടികയില് ഉള്പ്പെടുന്നത്. ഇഞ്ചിയില് അടങ്ങിയിരിക്കുന്ന ജിഞ്ചറോള് ദഹനം മെച്ചപ്പെടുത്താനും വയര് വീര്ത്തിരിക്കുന്ന അവസ്ഥയെ തടയാനും കുടലിന്റെ ആരോഗ്യം സംരക്ഷിക്കാനും സഹായിക്കും.
മൂന്ന്...
പപ്പായ ആണ് അടുത്തതായി ഈ പട്ടികയില് ഉള്പ്പെടുന്നത്. പപ്പായയില് അടങ്ങിയിരിക്കുന്ന പപ്പെയ്ന് എന്ന എന്സൈം ദഹനക്കേടിനെ തടയാനും വയര് വീര്ത്തിരിക്കുന്ന അവസ്ഥയെ അകറ്റാനും ദഹനത്തെ മെച്ചപ്പെടുത്താനും സഹായിക്കും.
നാല്...
പുതിനയിലയാണ് നാലാമതായി ഈ പട്ടികയില് ഉള്പ്പെടുന്നത്. ഇവയും വയര് വീര്ര്ത്തിരിക്കുന്ന അവസ്ഥയെ തടയാനും ദഹനക്കേടിനെ മറിക്കടക്കാനും സഹായിക്കും.
അഞ്ച്...
മഞ്ഞളാണ് അടുത്തതായി ഈ പട്ടികയില് ഉള്പ്പെടുന്നത്. മഞ്ഞളില് അടങ്ങിയിരിക്കുന്ന കുര്ക്കുമിന് ദഹനം മെച്ചപ്പെടുത്താനും വയറിന്റെ ആരോഗ്യം സംരക്ഷിക്കാനും സഹായിക്കും.
ആറ്...
ജീരകം ആണ് ആറാമതായി ഈ പട്ടികയില് ഉള്പ്പെടുന്നത്. ദഹനം മെച്ചപ്പെടുത്താനും കുടലിന്റെ ആരോഗ്യം സംരക്ഷിക്കാനും ജീരകം ഡയറ്റില് ഉള്പ്പെടുത്തുന്നത് ഗുണം ചെയ്യും.
ഏഴ്...
ഓട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ഇവ പതിവായി കഴിക്കുന്നതും ദഹനം മെച്ചപ്പെടുത്താന് സഹായിക്കും.
എട്ട്...
ചിയ സീഡ്, ഫ്ലാക്സ് സീഡ് തുടങ്ങിയ ഫൈബര് അടങ്ങിയ വിത്തുകളും ദഹനം മെച്ചപ്പെടുത്താന് ഗുണം ചെയ്യും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: കൊളസ്ട്രോള് കൂടുതലാണോ? ദിവസവും ഡയറ്റില് ഉള്പ്പെടുത്താം ഈ പാനീയം...