ബ്ലഡ് ഷുഗര് കുറയ്ക്കാന് സഹായിക്കുന്ന 10 ഭക്ഷണങ്ങള്
Synopsis
കാര്ബോഹൈട്രേറ്റ് കുറഞ്ഞ ഭക്ഷണങ്ങള്, ഗ്ലൈസെമിക് ഇൻഡക്സ് കുറഞ്ഞ ഭക്ഷണങ്ങള്, നാരുകള് അടങ്ങിയ ഭക്ഷണങ്ങളാണ് പ്രമേഹ രോഗികള് കഴിക്കേണ്ടത്.
പ്രമേഹ രോഗികള് ഭക്ഷണത്തിന്റെ കാര്യത്തില് ഏറെ ശ്രദ്ധിക്കണം. കാര്ബോഹൈട്രേറ്റ് കുറഞ്ഞ ഭക്ഷണങ്ങള്, ഗ്ലൈസെമിക് ഇൻഡക്സ് കുറഞ്ഞ ഭക്ഷണങ്ങള്, നാരുകള് അടങ്ങിയ ഭക്ഷണങ്ങളാണ് പ്രമേഹ രോഗികള് കഴിക്കേണ്ടത്. അത്തരത്തില് രക്തത്തിലെ പഞ്ചസാരയുടെ അളവിനെ കുറയ്ക്കാന് ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം.
1. പാവയ്ക്ക
പാവയ്ക്കയിൽ നാരുകളും അതുപോലെ തന്നെ ബ്ലഡ് ഷുഗര് കുറയ്ക്കാനും സഹായിക്കുന്ന ഘടകങ്ങള് അടങ്ങിയിരിക്കുന്നു. അതിനാല് പാവയ്ക്ക കഴിക്കുന്നത് രക്തത്തിലെ ഗ്ലൂക്കോസിന്റെ അളവ് കുറയ്ക്കാന് സഹായിക്കും.
2. വെള്ളരിക്ക
വെള്ളവും നാരുകളും അടങ്ങിയ വെള്ളരിക്ക ഡയറ്റില് ഉള്പ്പെടുത്തുന്നതും രക്തത്തിലെ പഞ്ചസാരയുടെ അളവ് കുറയ്ക്കാന് സഹായിക്കും.
3. ബെറി പഴങ്ങള്
സ്ട്രോബെറി, ബ്ലൂബെറി, ബ്ലാക്ക്ബെറി, റാസ്ബെറി തുടങ്ങിയ ബെറി പഴങ്ങളുടെ ഗ്ലൈസെമിക് സൂചിക വളരെ കുറവാണ്. കൂടാതെ ഇവയില് ഫൈബറും ആന്റിഓക്സിഡന്റുകളും വിറ്റാമിനുകളും ധാരാളം അടങ്ങിയിട്ടുണ്ട്. അതിനാല് ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
4. ചീര
നാരുകള് ധാരാളം അടങ്ങിയതും കലോറി കുറഞ്ഞതുമായ ചീര കഴിക്കുന്നതും രക്തത്തിലെ പഞ്ചസാരയുടെ അളവ് കുറയ്ക്കാൻ സഹായിക്കും.
5. നെല്ലിക്ക
നാരുകള് അടങ്ങിയ നെല്ലിക്ക ഡയറ്റില് ഉള്പ്പെടുത്തുന്നതും ബ്ലഡ് ഷുഗര് കുറയ്ക്കാന് സഹായിക്കും. ഇവയുടെ ഗ്ലൈസെമിക് സൂചികയും കുറവാണ്.
6. വെണ്ടയ്ക്ക
ഫൈബര് അടങ്ങിയ വെണ്ടയ്ക്ക കഴിക്കുന്നതും ബ്ലഡ് ഷുഗര് കുറയ്ക്കാന് സഹായിക്കും. വെണ്ടയ്ക്കയുടെ ഗ്ലൈസെമിക് ഇൻഡക്സും കുറവാണ്.
7. പയറുവര്ഗങ്ങള്
ഫൈബറും പ്രോട്ടീനും അടങ്ങിയ പയറുവര്ഗങ്ങള് കഴിക്കുന്നതും രക്തത്തിലെ പഞ്ചസാരയുടെ അളവിനെ കുറയ്ക്കാൻ സഹായിക്കും.
8. ഉലുവ
നാരുകളാല് സമ്പന്നമായ ഉലുവ ഡയറ്റില് ഉള്പ്പെടുത്തുന്നതും രക്തത്തിലെ പഞ്ചസാരയുടെ അളവിനെ കുറയ്ക്കാൻ സഹായിക്കും.
9. ഓട്സ്
ഫൈബര് ധാരാളം അടങ്ങിയ ഓട്സ് ഡയറ്റില് ഉള്പ്പെടുത്തുന്നതും ബ്ലഡ് ഷുഗര് നിയന്ത്രിക്കാന് സഹായിക്കും.
10. നട്സ്
പ്രോട്ടീനും ആരോഗ്യകരമായ കൊഴുപ്പും വിറ്റാമിനുകളും ധാതുക്കളും ഫൈബറും അടങ്ങിയ ബദാം, നിലക്കടല തുടങ്ങിയ നട്സുകള് കഴിക്കുന്നത് രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.