ശരീരത്തിന് ഊര്ജ്ജം ലഭിക്കാന് ഡയറ്റില് ഉള്പ്പെടുത്താം ഈ പഴങ്ങള്...
Synopsis
ഭക്ഷണത്തിലൂടെ കൃത്യമായ ഊര്ജം ലഭിച്ചില്ലെങ്കിലും ക്ഷീണം തോന്നാം. ഭക്ഷണക്രമത്തില് ആവശ്യമുള്ള പോഷകങ്ങള് ഇല്ലാത്തതാണ് ഇത്തരം ക്ഷീണത്തിന് കാരണം.
ഭക്ഷണത്തില് നിന്ന് ലഭിക്കുന്ന ശരിയായ അളവിലുള്ള ഊര്ജ്ജം ശരീരത്തിന്റെ പ്രവര്ത്തനങ്ങള് നിര്വഹിക്കാനും ഭക്ഷണം ദഹിപ്പിക്കാനും രക്തചംക്രമണം മെച്ചപ്പെടുത്താനും സഹായിക്കുന്നു. അതിനാല് ശരീരത്തിന് ഊര്ജ്ജം ലഭിക്കേണ്ടത് പ്രധാനമാണ്. ഭക്ഷണത്തിലൂടെ കൃത്യമായ ഊര്ജം ലഭിച്ചില്ലെങ്കിലും ക്ഷീണം തോന്നാം. ഭക്ഷണക്രമത്തില് ആവശ്യമുള്ള പോഷകങ്ങള് ഇല്ലാത്തതാണ് ഇത്തരം ക്ഷീണത്തിന് കാരണം. അത്തരത്തില് ശരീരത്തിന് ഊര്ജ്ജം ലഭിക്കാന് സഹായിക്കുന്ന ചില പഴങ്ങളെ പരിചയപ്പെടാം...
ഒന്ന്...
നേന്ത്രപ്പഴം ആണ് ആദ്യമായി ഈ പട്ടികയില് ഉള്പ്പെടുന്നത്. നിരവധി പോഷകങ്ങള് അടങ്ങിയ ഒരു ഊര്ജ്ജദായകമായ ഭക്ഷണമാണ് നേന്ത്രപ്പഴം. പൊട്ടാസ്യം, പ്രോട്ടീന്, ഫൈബര് എന്നിവയോടൊപ്പം സൂക്രോസ്, ഫ്രക്ടോസ്, ഗ്ലൂക്കോസ് എന്നീ പ്രകൃതിദത്ത പഞ്ചസാരകളും പഴത്തില് അടങ്ങിയിരിക്കുന്നു. ഊര്ജ്ജത്തിന്റെ തോത് ഉയര്ത്താന് സഹായിക്കുന്ന കാര്ബോഹൈഡ്രേറ്റ്സും പഴത്തില് ധാരാളമുണ്ട്. അതിനാല് നേന്ത്രപ്പഴം പതിവായി ഡയറ്റില് ഉള്പ്പെടുത്തുന്നത് ക്ഷീണമകറ്റാനും ശരീരത്തിന് വേണ്ട ഊര്ജ്ജം ലഭിക്കാനും സഹായിക്കും.
രണ്ട്...
ബെറി പഴങ്ങളാണ് രണ്ടാമതായി ഈ പട്ടികയില് ഉള്പ്പെടുന്നത്. ബ്ലൂബെറി, സ്ട്രോബെറി, ബ്ലാക്ക്ബെറി, റാസ്ബെറി തുടങ്ങിയവയില് അടങ്ങിയിരിക്കുന്ന വിറ്റാമിന് സി, ആന്റി ഓക്സിഡന്റുകള് എന്നിവ എന്ര്ജി നല്കാന് സഹായിക്കും.
മൂന്ന്...
ആപ്പിളാണ് അടുത്തതായി ഈ പട്ടികയില് ഉള്പ്പെടുന്നത്. ഫൈബറും ആന്റി ഓക്സിഡന്റുകളും മറ്റും അടങ്ങിയ ഇവയും ശരീരത്തിന് വേണ്ട ഊര്ജ്ജം നല്കും.
നാല്...
ഓറഞ്ചാണ് നാലാമതായി ഈ പട്ടികയില് ഉള്പ്പെടുന്നത്. വിറ്റാമിന് സിയും മറ്റ് ആന്റി ഓക്സിഡന്റുകളും അടങ്ങിയ ഇവ ക്ഷീണം അകറ്റാനും എന്ര്ജി നല്കാനും സഹായിക്കും.
അഞ്ച്...
അവക്കാഡോ ആണ് അവസാനമായി ഈ പട്ടികയില് ഉള്പ്പെടുന്നത്. പോഷകങ്ങളും പ്രോട്ടീനും ഫൈബറും അടങ്ങിയ ഇവയും ശരീരത്തിന് വേണ്ട ഊര്ജ്ജം ലഭിക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: മാനസികാരോഗ്യത്തിനായി കഴിക്കേണ്ട എട്ട് ഭക്ഷണങ്ങള്...
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം