വേനല്ക്കാലത്ത് പപ്പായ കഴിച്ചാലുള്ള ഗുണങ്ങള്...
Synopsis
വിറ്റാമിനുകളായ സി, ബി, ഇ, പൊട്ടാസ്യം, ഫൈബർ, മഗ്നീഷ്യം, ഫൈബർ, ആന്റിഓക്സിഡന്റുകൾ, എൻസൈമുകൾ തുടങ്ങിയവ അടങ്ങിയ പപ്പായ വേനല്ക്കാലത്ത് കഴിക്കുന്നത് ഏറെ നല്ലതാണ്.
നിരവധി ആരോഗ്യ ഗുണങ്ങൾ അടങ്ങിയ ഒരു ഫലമാണ് പപ്പായ. വിറ്റാമിനുകളായ സി, ബി, ഇ, പൊട്ടാസ്യം, ഫൈബർ, മഗ്നീഷ്യം, ഫൈബർ, ആന്റിഓക്സിഡന്റുകൾ, എൻസൈമുകൾ തുടങ്ങിയവ അടങ്ങിയ പപ്പായ വേനല്ക്കാലത്ത് കഴിക്കുന്നത് ഏറെ നല്ലതാണ്. വേനല്ക്കാലത്തെ നിര്ജ്ജലീകരണത്തെ തടയാന് പപ്പായ കഴിക്കുന്നത് നല്ലതാണ്. ഇവ ചൂടിനെ തടയാനും ശരീരം തണുപ്പിക്കാനുമൊക്കെ സഹായിക്കും.
വിറ്റാമിന് സി ധാരാളം അടങ്ങിയ പപ്പായ കഴിക്കുന്നത് രോഗ പ്രതിരോധശേഷി കൂട്ടാനും സഹായിക്കും. കൂടാതെ ഇവ ചര്മ്മത്തിന്റെ ആരോഗ്യത്തിനും നല്ലതാണ്. പപ്പായ കഴിക്കുന്നത് മലബന്ധം അകറ്റാനും സഹായിക്കും. പപ്പായയില് അടങ്ങിയിരിക്കുന്ന പപ്പൈന് എന്ന എന്സൈം ആണ് ദഹനം മെച്ചപ്പെടുത്താനും മലബന്ധം അകറ്റാനും സഹായിക്കുന്നത്. ഫൈബര് ധാരാളം അടങ്ങിയ പപ്പായ ഡയറ്റില് ഉള്പ്പെടുത്തുന്നത് വയറിന്റെ ആരോഗ്യത്തിനും ഏറെ നല്ലതാണ്. പപ്പായയിൽ പഞ്ചസാര കുറവാണെങ്കിലും നാരുകൾ കൂടുതലാണ്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കും. പപ്പായ വെറും വയറ്റിൽ കഴിക്കുന്നത് ദിവസം മുഴുവൻ രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്താൻ സഹായിക്കും.
ഫൈബര്, പൊട്ടാസ്യം, ആന്റി ഓക്സിഡന്റുകള് തുടങ്ങിയവ അടങ്ങിയ പപ്പായ കഴിക്കുന്നത് ഹൃദയാരോഗ്യം മെച്ചപ്പെടുത്താന് സഹായിക്കും. വിറ്റാമിന് കെ അടങ്ങിയ പപ്പായ എല്ലുകളുടെ ആരോഗ്യത്തിനും നല്ലതാണ്. കലോറി കുറവും നാരുകൾ കൂടുതലുമായ പപ്പായ വെറും വയറ്റിൽ കഴിക്കുന്നത് നിങ്ങളുടെ വിശപ്പ് നിയന്ത്രിക്കാനും വണ്ണം കുറയ്ക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: ആർത്രൈറ്റിസ് അഥവാ സന്ധിവാതമുള്ളവര് ഡയറ്റില് നിന്നും ഒഴിവാക്കേണ്ട ഭക്ഷണങ്ങള്...