ഹെല്‍ത്തി കാബേജ് കട്‌ലറ്റ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം കട്‌ലറ്റ് റെസിപ്പികള്‍. ഇന്ന് മേരി നേസൺ തയ്യാറാക്കിയ പാചകക്കുറിപ്പ്. 

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

കാബേജ് കൊണ്ട് ഹെല്‍ത്തി കട്‌ലറ്റ് തയ്യാറാക്കിയാലോ?

വേണ്ട ചേരുവകൾ

കാബേജ് -1 കപ്പ്

സവാള -1 കപ്പ്

പച്ചമുളക് -2 എണ്ണം

മുളക് പൊടി -1 സ്പൂൺ

ഗരം മസാല -1 സ്പൂൺ

കുരുമുളക് -1/2 സ്പൂൺ

ഉപ്പ് -1 സ്പൂൺ

എണ്ണ - 4 സ്പൂൺ

മല്ലിയില - 2 സ്പൂൺ

ഇഞ്ചി -1 സ്പൂൺ

വെളുത്തുള്ളി -1/2 സ്പൂൺ

വെള്ളം -4 സ്പൂൺ

തയ്യാറാക്കുന്ന വിധം

ഒരു ബൗളിലേയ്ക്ക് ആവശ്യത്തിന് കാബേജ് ഇട്ടുകൊടുത്തതിന് ശേഷം അതിലേയ്ക്ക് കുറച്ച് കടലമാവ്, സവാള എന്നിവ ചേര്‍ക്കാം. ശേഷം മഞ്ഞൾപ്പൊടി, മുളകുപൊടി, ഗരംമസാല, കുരുമുളകുപൊടി, ആവശ്യത്തിന് ഉപ്പ്, കുറച്ച് സവാള ചെറുതായി അരിഞ്ഞത്, പച്ചമുളക് ചെറുതായി അരിഞ്ഞത്, കുറച്ച് ഇഞ്ചി ചതച്ചതും ചേർത്ത് നന്നായിട്ട് ഇതിനെ ഒന്ന് കുഴച്ചെടുക്കുക. ശേഷം കുറച്ചു വെള്ളം കൂടി ഒഴിച്ച് നല്ലപോലെ കുഴച്ചെടുക്കുക. ഇനി വെളുത്തുള്ളി ഇഷ്ടമുള്ളവർക്ക് കുറച്ചു വെളുത്തുള്ളി കൂടി ചേർത്ത് നന്നായി മിക്സ് ചെയ്ത് എടുക്കാം. അതിനുശേഷം ഇതിലേക്ക് കുറച്ച് എണ്ണ കൂടി ഒഴിച്ച് നല്ലപോലെ ഒന്ന് കുഴച്ചെടുക്കുക. അതിനു ശേഷം ഒരു തവയിലേക്ക് കുറച്ച് എണ്ണയൊഴിച്ച്, ചൂടായതിന് ശേഷം നേരത്തെ കുഴച്ചുവച്ചിരിക്കുന്നവ കൈകൊണ്ട് ചെറുതായി പരത്തി ഇട്ടുകൊടുക്കുക. എന്നിട്ട് നല്ലപോലെ രണ്ട് സൈഡും ഒരു ചെറിയ തീയിൽ വേവിച്ചെടുക്കാവുന്നതാണ്.