വീട്ടിലുണ്ടാക്കാം രുചിയേറിയ മാംഗോ ഐസ്‌ക്രീം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം മാമ്പഴ വിഭവങ്ങള്‍ അഥവാ മാംഗോ ഫെസ്റ്റ് റെസിപ്പികള്‍. ഇന്ന് ഷീന സുഭാഷ് തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

ഇത് മാമ്പഴക്കാലമല്ലേ... എങ്കില്‍ മാമ്പഴം കൊണ്ട് വീട്ടില്‍ തന്നെ ഐസ്‌ക്രീം തയ്യാറാക്കിയാലോ? 

വേണ്ട ചേരുവകൾ

പഴുത്ത മാങ്ങ -2 എണ്ണം 
കണ്ടൻസ്ഡ് മിൽക്ക് - 1/4 കപ്പ് 
പാൽ പൊടി - 1/4 കപ്പ് 
ഫ്രഷ് ക്രീം - 1 കപ്പ് 

തയ്യാറാക്കുന്ന വിധം

ആദ്യം മാങ്ങ ചെറുതായി മുറിച്ചു മിക്സിയുടെ ജാർലേയ്ക്ക് ഇട്ടുകൊടുക്കുക. ശേഷം അതിലേയ്ക്ക് പാൽപ്പൊടി, കണ്ടൻസ്ഡ് മിൽക്ക്, ഫ്രഷ് ക്രീം ചേർത്ത് നന്നായി അടിച്ചെടുത്തു ഒരു പാത്രത്തിലേക്ക് മാറ്റുക. എന്നിട്ട് കുറച്ചു മാങ്ങ ചെറുതായി മുറിച്ചത് മുകളിൽ ഇട്ടുകൊടുത്തു 7- 8 മണിക്കൂർ ഫ്രീസറിൽ വെച്ച്  തണുപ്പിച്ച ശേഷം കഴിക്കാവുന്നതാണ്.