Health Tips: എല്ലുകളുടെ ആരോഗ്യത്തിനായി പ്രൂൺസ് ഡയറ്റില് ഉള്പ്പെടുത്തൂ; അറിയാം മറ്റ് ഗുണങ്ങള്
Synopsis
ആന്റി ഓക്സിഡന്റുകളും ബോറോണും ധാരാളം അടങ്ങിയ പ്രൂൺസ് എല്ലുകളുടെ ആരോഗ്യം സംരക്ഷിക്കാനും അസ്ഥികൾക്ക് സംഭവിക്കുന്ന ബലക്ഷയമായ 'ഓസ്റ്റിയോപൊറോസിസ്' സാധ്യതയെ തടയാനും സഹായിക്കും.
ആന്റി ഓക്സിഡന്റുകളും ഫൈബറും വിറ്റാമിനുകളും മിനറലുകളും ധാരാളം അടങ്ങിയ ഒരു ഡ്രൈഫ്രൂട്ടാണ് ഉണങ്ങിയ പ്ലം പഴം അഥവാ പ്രൂൺസ്. വിറ്റാമിന് എ, ബി, സി, കെ, പൊട്ടാസ്യം, പ്രോട്ടീന് തുടങ്ങിയവ പ്ലം പഴത്തില് അടങ്ങിയിട്ടുണ്ട്. ആന്റി ഓക്സിഡന്റുകളും ബോറോണും ധാരാളം അടങ്ങിയ പ്രൂൺസ് എല്ലുകളുടെ ആരോഗ്യം സംരക്ഷിക്കാനും അസ്ഥികൾക്ക് സംഭവിക്കുന്ന ബലക്ഷയമായ 'ഓസ്റ്റിയോപൊറോസിസ്' സാധ്യതയെ തടയാനും സഹായിക്കും.
ഫൈബര് ധാരാളം അടങ്ങിയ പ്രൂൺസ് ഡയറ്റില് ഉള്പ്പെടുത്തുന്നത് വയര് വീര്ത്തിരിക്കുന്നത് തടയാനും മലബന്ധം അകറ്റാനും കുടലിന്റെ ആരോഗ്യം സംരക്ഷിക്കാനും സഹായിക്കും. അയേണ് ധാരാളം അടങ്ങിയ പ്രൂൺസ് വിളര്ച്ചയെ തടയാനും ഗുണം ചെയ്യും. പ്രമേഹ രോഗികൾക്കും കഴിക്കാവുന്ന മികച്ച ഒരു ഡ്രൈ ഫ്രൂട്ടാണിത്. പ്രൂൺസിന്റെ ഗ്ലൈസെമിക് ഇൻഡെക്സ് കുറവായതിനാൽ രക്തത്തിലെ പഞ്ചസാരയുടെ അളവ് കുറയ്ക്കാന് ഇവ സഹായിക്കും. ഫൈബറും ഇവയില് അടങ്ങിയിട്ടുണ്ട്. ആരോഗ്യകരമായ കൊഴുപ്പും പ്രോട്ടീനും ആന്റി ഓക്സിഡന്റുകളും അടങ്ങിയ പ്രൂൺസ് ചീത്ത കൊളസ്ട്രോള് കുറയ്ക്കാനും രക്തസമ്മര്ദ്ദത്തെ നിയന്ത്രിക്കാനും അതുവഴി ഹൃദയാരോഗ്യം സംരക്ഷിക്കാനും സഹായിക്കും.
ഫൈബര് ധാരാളം അടങ്ങിയ പ്രൂൺസ് കഴിക്കുന്നത് വ വിശപ്പ് കുറയ്ക്കാനും അതുവഴി വണ്ണം കുറയ്ക്കാനും സഹായിക്കും. വിറ്റാമിന് എ ധാരാളം അടങ്ങിയ പ്രൂൺസ് പതിവായി കഴിക്കുന്നത് കണ്ണുകളുടെ ആരോഗ്യത്തിന് നല്ലതാണ്. മഗ്നീഷ്യം ധാരാളം അടങ്ങിയതിനാല് ഇവ നല്ല ഉറക്കം ലഭിക്കാനും സഹായിക്കും. വിറ്റാമിനുകളും ആന്റി ഓക്സിഡന്റുകളും മറ്റും അടങ്ങിയ പ്രൂൺസ് ചര്മ്മത്തിന്റെ ആരോഗ്യത്തിനും നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: ഹൃദയാരോഗ്യം മെച്ചപ്പെടുത്താന് സഹായിക്കുന്ന ശീലങ്ങൾ