സൂപ്പര്‍ ഹെല്‍ത്തി മുതിര സൂപ്പ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സൂപ്പ് റെസിപ്പികള്‍. ഇന്ന് വിനോദ് രാമകൃഷ്ണന്‍ തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

ഔഷധഗുണങ്ങള്‍ ധാരാളം അടങ്ങിയതാണ് മുതിര. മുതിര കൊണ്ട് സൂപ്പ് തയ്യാറാക്കി നോക്കിയാലോ?

വേണ്ട ചേരുവകൾ

മുതിര -1 കപ്പ്

വെളുത്തുള്ളി -1 സ്പൂൺ

പച്ചമുളക് - 2 എണ്ണം

സവാള - 1/2 കപ്പ്

മഞ്ഞൾ പൊടി - 1/2 സ്പൂൺ

ഉപ്പ് -1 സ്പൂൺ

തക്കാളി - 1 എണ്ണം

ജീരകം - 1 സ്പൂൺ

മല്ലിയില - 2 സ്പൂൺ

തയ്യാറാക്കുന്ന വിധം

മുതിര നന്നായി കഴുകിയെടുത്ത് കുക്കറിലേയ്ക്ക് ആവശ്യത്തിന് വെള്ളമൊഴിച്ച് വേവിക്കാനായി വയ്ക്കുന്ന സമയത്ത് ഇതിലേയ്ക്ക് തന്നെ ആവശ്യത്തിന് വെളുത്തുള്ളിയും തക്കാളിയും പച്ചമുളകും ജീരകവും മഞ്ഞൾപൊടിയും ഉപ്പും ചേർത്ത് കൊടുക്കുക. ഇത് നന്നായിട്ട് വെന്തതിനുശേഷം നല്ലതുപോലെ അരച്ചെടുക്കുക. അതിനുശേഷം വേവിച്ചെടുത്തിട്ടുള്ള ഈ വെള്ളത്തിൽ തന്നെ നന്നായിട്ട് മിക്സ് ചെയ്ത് എടുക്കാം. എന്നിട്ട് മല്ലിയില കൂടി ചേർത്ത് അലങ്കരിച്ച് കഴിക്കാവുന്നതാണ്.