സ്റ്റേഡിയത്തിന്റെ ടൈറ്റില്‍ അവകാശം ഒരു വര്‍ഷത്തേക്ക് വില്‍ക്കുന്നതിലൂടെ ലഭിക്കുന്ന തുക മുഴുവന്‍ കൊവിഡ് പ്രതിരോധ പ്രവര്‍ത്തനങ്ങള്‍ക്കായി സംഭാവന ചെയ്യുമെന്ന് ബാഴ്സലോണ എക്സിക്യൂട്ടീവ് ബോര്‍ഡ്
ബാഴ്സലോണ: കറ്റാലന്‍ ക്ലബ്ബിന്റെ ചരിത്രത്തിലാദ്യമായി വിഖ്യാതമായ ക്യാമ്പ് നൂ സ്റ്റേഡിയത്തിന്റെ പേര് വില്‍ക്കാനൊരുങ്ങി ബാഴ്സലോണ. കൊവിഡ് 19നെതിരായ പോരാട്ടത്തിന് പണം നല്‍കാനായി ക്യാമ്പ് നൂ സ്റ്റേഡിയത്തിന്റെ ടൈറ്റില്‍ അവകാശം ഒരു വര്‍ഷത്തേക്കാണ് ബാഴ്സലോണ സ്പോണ്‍സര്‍മാര്‍ക്ക് വില്‍ക്കുന്നത്.
സ്റ്റേഡിയത്തിന്റെ ടൈറ്റില്‍ അവകാശം ഒരു വര്‍ഷത്തേക്ക് വില്‍ക്കുന്നതിലൂടെ ലഭിക്കുന്ന തുക മുഴുവന്‍ കൊവിഡ് പ്രതിരോധ പ്രവര്‍ത്തനങ്ങള്‍ക്കായി സംഭാവന ചെയ്യുമെന്ന് ബാഴ്സലോണ എക്സിക്യൂട്ടീവ് ബോര്‍ഡ് വ്യക്തമാക്കി. യൂറോപ്പിലെ ഏറ്റവും വലിയ സ്റ്റേഡിയമായ ക്യമ്പ് നൂവില്‍ 99000 കാണികളെ ഉള്‍ക്കൊള്ളാനാവും. 1957ല്‍ സ്ഥാപിതമായതുമുതല്‍ ക്യാമ്പ് നൂവിന്റെ പേരിനൊപ്പം സ്പോണ്‍സറുടെ പേരുണ്ടായിട്ടില്ല.
Alos Read:ബാഴ്സ വിടുമോ?, റൊണാള്‍ഡീഞ്ഞോയെ രക്ഷിക്കാന്‍ പണം നല്‍കിയോ?; പ്രതികരണവുമായി മെസി