മെസിയും റൊണാള്ഡോയും നേര്ക്കുന്നേര്; നിമിഷങ്ങളെണ്ണി ആരാധകര്
Synopsis
ബാഴ്സ മൈതാനമായ നൗ കാമ്പിലാണ് രണ്ടാം പാദം. സീസണില് നേരത്തെ ഇരുടീമും ഏറ്റുമുട്ടിയപ്പോള് റൊണാള്ഡോ കൊവിഡ് ബാധിതന് ആയിരുന്നതിനാല് കളിച്ചിരുന്നില്ല.
ബാഴ്സലോണ: യുവേഫ ചാംപ്യന്സ് ലീഗ് ഫുട്ബോള് ഗ്രൂപ്പ് ഘട്ടത്തിലെ അവസാന റൗണ്ട് മത്സരം നാളെ തുടങ്ങും. ലിയോണല് മെസിയും ക്രിസ്റ്റ്യാനോ റൊണാള്ഡോയും നേര്ക്കുനേര് വരുന്ന സൂപ്പര് പോരാട്ടത്തിന്റെ കൗണ്ട് ഡൗണിലാണ് ആരാധകര്. മെസി്യുടെ ബാഴ്സലോണയും ക്രിസ്റ്റ്യാനോയുടെ യുവന്റസും തമ്മില് ഇന്ത്യന് സമയം ബുധനാഴ്ച പുലര്ച്ചെ 1.30നാണ് നേര്ക്കുനേര് വരിക.
ബാഴ്സ മൈതാനമായ നൗ കാമ്പിലാണ് രണ്ടാം പാദം. സീസണില് നേരത്തെ ഇരുടീമും ഏറ്റുമുട്ടിയപ്പോള് റൊണാള്ഡോ കൊവിഡ് ബാധിതന് ആയിരുന്നതിനാല് കളിച്ചിരുന്നില്ല. ആദ്യപാദത്തില് ബാഴ്സ മറുപടിയില്ലാത്ത രണ്ട് ഗോളിന് യുവന്റസിനെ തോല്പ്പിച്ചിരുന്നു. ചാംപ്യന്സ് ലീഗില് ഏറ്റവും കൂടുതല് ഹോം ഗോളുകളെന്ന മെസിയുടെ റെക്കോര്ഡ് കഴിഞ്ഞയാഴ്ച ആണ് റൊണാള്ഡോ തകര്ത്തത്.
ഇരുവരും നേര്ക്കുനേര് വരുന്നത് ഇത് 36ാം തവണയാണ്. മെസ്സിയുടെ ടീം പതിനാറും റൊണാള്ഡോയുടെ ടീം പത്തും മത്സരത്തില് വീതം ജയിച്ചിട്ടുണ്ട്. ഇരുവരും പങ്കാളികളായ മത്സരങ്ങളില് മെസ്സി 22ഉം റൊണാള്ഡോ 19ഉം ഗോള് വീതം നേടി. എന്നാല് 2010-11 സീസണിന് ശേഷം ആദ്യമായാണ് യൂറോപ്യന് പോരാട്ടത്തില് ഇരുവരും നേര്ക്കുനേര് വരുന്നത്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!