ഐഎസ്എല്: ജംഷഡ്പൂരിനെ തകര്ത്ത് ബംഗളൂരു എഫ്സി രണ്ടാം സ്ഥാനത്ത്
Synopsis
ഇന്ത്യന് സൂപ്പര് ലീഗില് ബംഗളൂരു എഫ്സിക്ക് ജയം. അവരുടെ ഹോംഗ്രൗണ്ടായ ശ്രീ കണ്ഠീരവ സ്റ്റേഡിയത്തില് ജംഷഡ്പൂരിനെതിരെ നടന്ന മത്സരത്തില് എതിരില്ലാത്ത രണ്ട് ഗോളുകള്ക്കായിരുന്നു ജയം.
ബംഗളൂരു: ഇന്ത്യന് സൂപ്പര് ലീഗില് ബംഗളൂരു എഫ്സിക്ക് ജയം. അവരുടെ ഹോംഗ്രൗണ്ടായ ശ്രീ കണ്ഠീരവ സ്റ്റേഡിയത്തില് ജംഷഡ്പൂരിനെതിരെ നടന്ന മത്സരത്തില് എതിരില്ലാത്ത രണ്ട് ഗോളുകള്ക്കായിരുന്നു ജയം. എറിക് പാര്ത്തലു, സുനില് ഛേത്രി എന്നിവരാണ് ബംഗളൂരുവിനായ ഗോളുകള് നേടിയത്. ജയത്തോടെ ബംഗളൂരു പോയിന്റ് പട്ടികയില് രണ്ടാമതെത്തി. 12 മത്സരങ്ങളില് 22 പോയിന്റാണുള്ളത്. 11 മത്സരങ്ങളില് 13 പോയിന്റുള്ള ജംഷഡ്പൂര് ആറാം സ്ഥാനത്താണ്.
എട്ടാം മിനിറ്റില് ആദ്യ ഗോള് പിറന്നു. എട്ടാം മിനിറ്റില് ഡിമാസിന്റെ കോര്ണറില് തലവച്ചാണ് പാര്ത്തലു ഗോള് നേടിയത്. ആദ്യ പകുതിയില് പിന്നീട് ഗോളൊന്നും പിറന്നില്ല. എന്നാല് 63ാം മിനിറ്റില് ഛേത്രി ലീഡുയര്ത്തി. പാര്ത്തലുവിന്റെ നെടുനീളന് പാസ് തലകൊണ്ട് ചിപ്പ് ചെയ്തിട്ട് ഗോളാക്കുകയായിരുന്നു ഛേത്രി. ഇതോടെ ബംഗളൂരു എഫ്സി മൂന്ന് പോയിന്റ് ഉറപ്പിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!