ക്രിസ്റ്റ്യാനോ റൊണാൾഡോ ഇനി അൽ നസറിൽ, സൂപ്പർ താരത്തെ സ്വന്തമാക്കിയത് റെക്കോഡ് തുകയ്ക്ക്
Synopsis
റെക്കോഡ് തുകയ്ക്കാണ് ക്ലബ് ക്രിസ്റ്റ്യാനോയെ സ്വന്തമാക്കിയത്. പ്രതിവർഷം 75 ദശലക്ഷം ഡോളറാണ് വരുമാനം.
അഭ്യൂഹങ്ങള്ക്ക് വിരാമമിട്ട് പോര്ച്ചുഗീസ് സുപ്പര് താരം ക്രിസ്റ്റ്യാനോ റൊണാള്ഡോ സൗദി അറേബ്യന് ക്ലബായ അല് നസറില്. ഔദ്യോഗിക ട്വിറ്റര് പേജിലൂടെ ചരിത്രനീക്കം പങ്കുവച്ച അല്-നസര്, റൊണാള്ഡോയുടെ വരവ് ക്ലബിന് മാത്രമല്ല രാജ്യത്തിനും വരും തലമുറയ്ക്കും പ്രചോദനമാകുമെന്ന് കൂട്ടിചേര്ത്തു. ക്ലബിന്റെ ഏഴാം നമ്പർ ജേഴ്സിയും കയ്യിലേന്തിയുള്ള റൊണാള്ഡോയുടെ
ചിത്രവും പങ്കുവച്ചു. മാഞ്ചസ്റ്റര് യുണൈറ്റഡുമായുള്ള കരാര് ലോകകപ്പ് മത്സരങ്ങൾക്കിടെ നവംബറിലാണ് റൊണാള്ഡോ അവസാനിപ്പിച്ചത്. 37 കാരനായ റൊണാള്ഡോയ്ക്ക് പ്രതിവര്ഷം 75 ദശലക്ഷം ഡോളറാണ് വരുമാനം. റൊണാള്ഡോ സൗദി ക്ലബില് ചേര്ന്നതോടെ താരത്തിന്റെ ചാംപ്യന്സ് ലീഗ് മോഹങ്ങള് കൂടിയാണ് അവസാനിക്കുന്നത്.
Read more Articles on