വന് താരങ്ങള്ക്കായി വല വിരിച്ച് ഈസ്റ്റ് ബംഗാള്; ഇന്ത്യന് സൂപ്പര് ലീഗിലേക്കെന്ന് സൂചന
Synopsis
മോഹന് ബഗാന് പിന്നാലെ ഈസ്റ്റ് ബംഗാളും ഇന്ത്യന് സൂപ്പര് ലീഗിലേക്കെത്തുമെന്ന് സൂചന. പുതിയ സീസണിന് മുന്നോടിയായി വമ്പന് താരങ്ങളെ ടീമിലെത്തിക്കാനുള്ള ശ്രമത്തിലാണ് ഈസ്റ്റ് ബംഗാള്.
കൊല്ക്കത്ത: മോഹന് ബഗാന് പിന്നാലെ ഈസ്റ്റ് ബംഗാളും ഇന്ത്യന് സൂപ്പര് ലീഗിലേക്കെത്തുമെന്ന് സൂചന. പുതിയ സീസണിന് മുന്നോടിയായി വമ്പന് താരങ്ങളെ ടീമിലെത്തിക്കാനുള്ള ശ്രമത്തിലാണ് ഈസ്റ്റ് ബംഗാള്. ഇറാന് താരമായ ഒമിദ് സിംഗിനെ കഴിഞ്ഞ ദിവസം ഈസ്റ്റ് ബംഗാള് രണ്ടു വര്ഷത്തെ കരാറില് സ്വന്തമാക്കിയിരുന്നു. ഈസ്റ്റ് ബംഗാളിന്റെ ഇപ്പോഴത്തെ സ്പോണ്സര്മാരായ ക്വെസുമായുള്ള ബന്ധം ഈ മാസത്തോടെ അവസാനിക്കും.
പുതിയ സ്പോണ്സര്മാര് വരുന്നതോടെ ഒപ്പം അവര് ഐഎസ്എല്ലിലേക്കുള്ള കയറാനുള്ള ശ്രമം നടത്തുമെന്നാണ് അറിയുന്നത്. ഇതിന്റെ ഭാഗമായി ജെജെ ഉള്പ്പെടെയുള്ള വന് താരങ്ങളെ ഈസ്റ്റ് ബംഗാള് നോട്ടമിടുന്നുണ്ട്. പുതിയ താരങ്ങളുടെ വരവ് സംശയങ്ങള്ക്ക് ആക്കം കൂട്ടുന്നുണ്ട്.
ഈ സീസണില് ഐ ലീഗ് ചാംപ്യന്മാരായ മോഹന് ബഗാന് എടികെ കൊല്ക്കത്തയുമായി ലയിച്ചിരുന്നു. ഇതോടെ ഐഎസ്എല് കളിക്കാമെന്നുള്ള ധാരണയാവുകയായിരുന്നു. കൊല്ക്കത്തയില് നിന്നുള്ള വമ്പന് ക്ലബുകള് ഐഎസ്എല്ലില് എത്തുകയാണെങ്കില് അത് ലീഗിന് വലിയ ഊര്ജമാവുമെന്നാണ് കരുതുന്നത്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!