Man United beat Burnley : റൊണാൾഡോ വലകുലുക്കി; ജയത്തോടെ 2021 അവസാനിപ്പിച്ച് മാഞ്ചസ്റ്റര് യുണൈറ്റഡ്
Synopsis
18 കളികളില് 31 പോയിന്റുള്ള യുണൈറ്റഡ് ആറാം സ്ഥാനത്തോടെയാണ് 2021 അവസാനിപ്പിക്കുന്നത്
ഓള്ഡ് ട്രഫോര്ഡ്: 2021ലെ അവസാന മത്സരത്തിൽ മാഞ്ചസ്റ്റർ യുണൈറ്റഡിന് (Manchester United) ജയം. യുണൈറ്റഡ് പ്രീമിയർ ലീഗിൽ ഒന്നിനെതിരെ മൂന്ന് ഗോളിന് ബേൺലിയെ (Burnley) തോൽപിച്ചു. സ്കോട്ട് മക്ടോമിനെ (Scott McTominay), സൂപ്പർ താരം ക്രിസ്റ്റ്യാനോ റൊണാൾഡോ (Cristiano Ronaldo) എന്നിവരുടെ ഗോളുകൾക്കായിരുന്നു യുണൈറ്റഡിന്റെ ജയം. മൂന്നാം ഗോൾ ബെൻ മീയുടെ (Ben Mee) സെൽഫ് ഗോളായിരുന്നു. ആരോൺ ലെന്നനാണ് (Aaron Lennon) ബേൺലിയുടെ സ്കോറർ. എല്ലാ ഗോളും ആദ്യപകുതിയിൽ ആയിരുന്നു.
എട്ടാം മിനുറ്റില് സ്കോട്ടിന്റെ ഗോളില് യുണൈറ്റഡ് ലീഡെടുത്തപ്പോള് 27-ാം മിനുറ്റില് മീയുടെ ഓണ് ഗോള് ലീഡുയര്ത്തി. 35-ാം മിനുറ്റില് റോണോ ഗോള്പട്ടിക തികയ്ക്കുകയും ചെയ്തു. 38-ാം മിനുറ്റിലാണ് ബേണ്ലിയുടെ ഏക മറുപടി ബോള് വന്നത്. രണ്ടാംപകുതിയില് ബേണ്ലിയെ കൂടുതല് ലക്ഷ്യം കാണാന് യുണൈറ്റഡ് അനുവദിച്ചില്ല.
18 കളികളില് 31 പോയിന്റുള്ള യുണൈറ്റഡ് ആറാം സ്ഥാനത്തോടെയാണ് 2021 അവസാനിപ്പിക്കുന്നത്. 50 പോയിന്റുള്ള മാഞ്ചസ്റ്റർ സിറ്റിയാണ് ഒന്നാം സ്ഥാനത്ത്. 42 പോയിന്റുമായി ചെല്സി രണ്ടും 41 പോയിന്റുള്ള ലിവര്പൂള് മൂന്നും സ്ഥാനങ്ങളില് നില്ക്കുന്നു. 11 പോയിന്റ് മാത്രമുള്ള ബേണ്ലി 18-ാം സ്ഥാനക്കാര് മാത്രമാണ്.
Quinton de Kock Retires : കുടുംബത്തോടൊപ്പം കൂടുതൽ സമയം വേണം; ടെസ്റ്റ് കുപ്പായമഴിച്ച് ഡി കോക്ക്
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!