ഫിഫ അണ്ടര് 17 വനിത ലോകകപ്പ്: ലോഗോ മുംബൈയില് പ്രകാശനം ചെയ്തു
Synopsis
ഇന്ത്യ വേദിയാവുന്ന ലോകകപ്പിന്റെ ലോഗോ മുംബൈയില് വര്ണാഭമായ ചടങ്ങിലാണ് പ്രകാശനം ചെയ്തത്
മുംബൈ: ഇന്ത്യ അടുത്ത വര്ഷം വേദിയാവുന്ന ഫിഫ അണ്ടര് 17 വനിത ലോകകപ്പിന്റെ എംബ്ലം പുറത്തിറക്കി. മുംബൈയിലെ ഗേറ്റ് വേ ഓഫ് ഇന്ത്യയിലായിരുന്നു വര്ണാഭമായ ചടങ്ങ്. രണ്ട് തവണ ലോകകപ്പും ഒളിംപിക്സും നേടിയ അമേരിക്കന് ഇതിഹാസ താരം ക്രിസ്റ്റീന് ലില്ലിയാണ് ലോഗോ പ്രകാശനം ചെയ്തത്.
കേന്ദ്ര കായികമന്ത്രി കിരണ് റിജിജു, ഫിഫ വുമണ്സ് ഫുട്ബോള് ചീഫ് ഓഫീസര് സരൈ ബേര്മന്, പ്രാദേശിക സംഘാടസമിതി അധ്യക്ഷന് പ്രഫുല് പട്ടേല് എന്നിവര് പങ്കെടുത്തു. ഇന്ത്യന് അണ്ടര് 17 വനിതാ ടീം അംഗങ്ങളും ലോഗോ പ്രകാശനത്തിനെത്തിയിരുന്നു.
അടുത്ത വര്ഷം നവംബര് രണ്ട് മുതല് 21 വരെയാണ് ടൂര്ണമെന്റ് നടക്കുക. ഇന്ത്യ ആതിഥേയത്വം വഹിക്കുന്ന രണ്ടാമത്തെ ഫിഫ ടൂര്ണമെന്റാണിത്. 2017ല് അണ്ടര് 17 പുരുഷ ലോകകപ്പിന് ഇന്ത്യയായിരുന്നു വേദി.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!