യൂറോ കപ്പ് യോഗ്യതാ റൗണ്ടില്‍ മുന്‍ ചാംപ്യന്മാരായ സ്പെയിന് ജയം. നോര്‍വേയെ ഒന്നിനെതിരെ രണ്ട് ഗോളുകള്‍ക്കാണ് സ്പെയിന് തകര്‍ത്തത്. റോഡ്രിഗോയുടെ ഗോളിലൂടെ പതിനാറാം മിനിറ്റില്‍ സ്‌പെയ്ന്‍ മുന്നിലെത്തി.
മാഡ്രിഡ്: യൂറോ കപ്പ് യോഗ്യതാ റൗണ്ടില്‍ മുന്‍ ചാംപ്യന്മാരായ സ്പെയിന് ജയം. നോര്‍വേയെ ഒന്നിനെതിരെ രണ്ട് ഗോളുകള്‍ക്കാണ് സ്പെയിന് തകര്‍ത്തത്. റോഡ്രിഗോയുടെ ഗോളിലൂടെ പതിനാറാം മിനിറ്റില്‍ സ്‌പെയ്ന്‍ മുന്നിലെത്തി. എന്നാല്‍ 65ാം മിനിറ്റില്‍ ലഭിച്ച പെനാല്‍റ്റി ലക്ഷ്യത്തിലെത്തിച്ച് ജോഷ്വ കിങ് നോര്‍വേയെ ഒപ്പമെത്തിച്ചു. 71ാം മിനിറ്റില്‍ ലഭിച്ച പെനാല്‍റ്റി ലക്ഷ്യത്തിലെത്തിച്ച സെര്‍ജിയോ റാമോസ് സ്പെയിന് ജയം സമ്മാനിക്കുകയായിരുന്നു.
മറ്റൊരു മത്സരത്തില്‍, മുന്‍ ചാന്പ്യന്മാരായ ഇറ്റലി, എതിരില്ലാത്ത രണ്ട് ഗോളുകള്‍ക്ക് ഫിന്‍ലന്‍ഡിനെ തോല്‍പ്പിച്ചു. ഏഴാം മിനിറ്റില്‍ ബാരെല്ലയും 74ാം മിനിറ്റില്‍ കീനും നേടിയ ഗോളുകളിലൂടെയായിരുന്നു ഇറ്റലിയുടെ ഏകപക്ഷീയ ജയം. സ്വീഡന് ഒന്നിനെതിരെ രണ്ട് ഗോളുകള്‍ക്ക് റൊമാനിയയെ തോല്‍പ്പിച്ചു. ആദ്യം പകുതിയില്‍ രണ്ട് ഗോളിന് മുന്നിട്ട് നിന്ന സ്വീഡന് വേണ്ടി, ക്വാസണും ക്ലീസണും ലക്ഷ്യം കണ്ടു. 58ആം മിനിട്ടില്‍ കേസെരുവാണ് റുമാനിയയുടെ ആശ്വാസ ഗോള്‍ നേടിയത്.