ഗ്രീസ്മനും ആര്തറും വലകുലുക്കി; ബാഴ്സയ്ക്ക് ജയം; മെസിക്ക് പരിക്ക്
Synopsis
ജയിച്ചെങ്കിലും ലിയോണൽ മെസി പരിക്കേറ്റ് മടങ്ങിയത് ബാഴ്സയെ ആശങ്കയിലാക്കുന്നുണ്ട്
ബാഴ്സലോണ: സ്പാനിഷ് ലീഗില് വിയ്യ റയലിനെ ഒന്നിനെതിരെ രണ്ട് ഗോളുകൾക്ക് ബാഴ്സലോണ തോൽപ്പിച്ചു. ഗ്രീസ്മനും ആർതറുമാണ് ബാഴ്സക്കായി വല ചലിപ്പിച്ചത്. നെടുനീളന് ഷോട്ടിലൂടെ ഗ്രീസ്മൻ ബാഴ്സയെ ആറാം മിനുറ്റില് തന്നെ മുന്നിലെത്തിച്ചു.
ലിയോണൽ മെസി നൽകിയ പന്ത് വലയിലത്തിച്ച് ആർതർ പതിനഞ്ചാം മിനുറ്റില് ലീഡ് ഉയർത്തി. 44-ാം മിനുറ്റില് കാസോളയാണ് വിയ്യ റയലിനായി ഏക ഗോള് നേടിയത്. ജയിച്ചെങ്കിലും ലിയോണൽ മെസി പരിക്കേറ്റ് മടങ്ങിയത് ബാഴ്സയെ ആശങ്കയിലാക്കുന്നുണ്ട്. ജയത്തോടെ 10 പോയിന്റുമായി ലീഗിൽ നാലാമതാണ് ബാഴ്സലോണ.
ലാ ലിഗയില് റയൽ മാഡ്രിഡ് ഇന്ന് ഒസാസൂനയെ നേരിടും. ഇന്ത്യൻ സമയം രാത്രി പന്ത്രണ്ടരയ്ക്ക് ഹോം ഗ്രൗണ്ടായ സാന്റിയാഗോ ബെർണബ്യൂവിലാണ് മത്സരം. അഞ്ച് കളിയിൽ മൂന്ന് ജയവും രണ്ട് സമനിലയുമായി 11 പോയിന്റുള്ള റയൽ ലീഗിൽ മൂന്നാം സ്ഥാനത്താണ്. പരുക്ക് മാറിയ ലൂക്ക മോഡ്രിച്ച്, മാർസലോ, ഇസ്കോ എന്നിവർ റയൽ നിരയിൽ തിരിച്ചെത്തും.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!