ബാഴ്സയെ കുരുക്കി സെവിയ്യ; ഇംഗ്ലണ്ടില് യുണൈറ്റഡിനും സമനില
Synopsis
ലാ ലിഗയില് ബാഴ്സലോണ സമനിലക്കുരുക്കിലായി. പോയിന്റ് പട്ടികയില് മൂന്നാമതുള്ള സെവിയ്യയോടാണ് ബാഴ്സ ഗോള്രഹിത സമനില വഴങ്ങിയത്.
സെവിയ്യ: ലാ ലിഗയില് ബാഴ്സലോണ സമനിലക്കുരുക്കിലായി. പോയിന്റ് പട്ടികയില് മൂന്നാമതുള്ള സെവിയ്യയോടാണ് ബാഴ്സ ഗോള്രഹിത സമനില വഴങ്ങിയത്. 30 മത്സരങ്ങളില് നിന്ന് 65 പോയിന്റുള്ള ബാഴ്സ പട്ടികയില് ഒന്നാമതാണ്. 29 മത്സരങ്ങളില് 62 പോയിന്റുള്ള റയലാണ് രണ്ടാമത്. ഇതോടെ ബാഴ്സ- റയല് കിരീടപ്പോര് മുറുകും എന്നുറപ്പായി. മൂന്നാമതുള്ള സെവിയ്യക്ക് 30 കളിയില് 52 പോയിന്റാണുള്ളത്.
അതേസമയം, ഇംഗ്ലീഷ് പ്രീമീയര് ലീഗില് ടോട്ടനത്തിനെതിരെ മാഞ്ചസ്റ്റര് യുണൈറ്റഡ് സമനില വഴങ്ങി. ഇരുടീമും ഒരു ഗോള് വീതം നേടി. 81-ാം മിനിറ്റില് ലഭിച്ച പെനാല്റ്റിയിലൂടെയാണ് യുണൈറ്റഡിന്റെ ആശ്വാസ ഗോള്. ബ്രൂണോ ഫെര്ണാണ്ടസാണ് വല ചലിപ്പിച്ചത്. കളി തുടങ്ങി 27-ാം മിനുറ്റില് സ്റ്റീവന്റെ ഗോളില് ടോട്ടനം മുന്നിലെത്തിയിരുക്കുന്നു.
പോയിന്റ് പട്ടികയില് യുണൈറ്റഡ് അഞ്ചാമതും ടോട്ടനം എട്ടാമതുമാണ്. 29 കളിയില് 82 പോയിന്റുമായി ലിവര്പൂളാണ് ഒന്നാമത്. 60 പോയിന്റുമായി സിറ്റി രണ്ടാമതും.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!