മാഞ്ചസ്റ്റര് ഡാര്ബിയില് സിറ്റി; കിരീടപ്പോരാട്ടം കനക്കുന്നു
Synopsis
നിര്ണായക മാഞ്ചസ്റ്റര് ഡാര്ബിയില് മാഞ്ചസ്റ്റര് യുനൈറ്റഡിനെ തോല്പ്പിച്ച് മാഞ്ചസ്റ്റര് സിറ്റി കപ്പിലേക്കുള്ള യാത്ര സുഗമമാക്കി. ഓള്ഡ് ട്രാഫോഡില് നടന്ന മത്സരത്തില് 0-2നായിരുന്നു സിറ്റിയുടെ വിജയം.
മാഞ്ചസ്റ്റര്: നിര്ണായക മാഞ്ചസ്റ്റര് ഡാര്ബിയില് മാഞ്ചസ്റ്റര് യുനൈറ്റഡിനെ തോല്പ്പിച്ച് മാഞ്ചസ്റ്റര് സിറ്റി കപ്പിലേക്കുള്ള യാത്ര സുഗമമാക്കി. ഓള്ഡ് ട്രാഫോഡില് നടന്ന മത്സരത്തില് 0-2നായിരുന്നു സിറ്റിയുടെ വിജയം. ബെര്ണാഡോ സില്വ, ലിറോയ് സാനെ എന്നിവരാണ് സിറ്റിയുടെ ഗോള് നേടിയത്. ഗോള് രഹിതമായ ആദ്യ പകുതിക്ക് ശേഷം രണ്ടാം പകുതിയിലായിരുന്നു ഇരു ഗോളുകളും.
മൂന്ന് മത്സരങ്ങള് മാത്രമാണ് പ്രീമിയര് ലീഗില് അവശേഷിക്കുന്നത്. 35 മത്സരങ്ങളില് 89 പോയിന്റാണ് സിറ്റിക്കുള്ളത്. ഇത്രയും മത്സരങ്ങളില് 88 പോയിന്റുള്ള ലിവര്പൂള് രണ്ടാം സ്ഥാനത്താണ്. 64 പോയിന്റോടെ ലീഗില് ആറാം സ്ഥാനത്താണ് യുണൈറ്റഡ്.
ലീഗിലെ മറ്റൊരു മത്സരത്തില് വോള്വ്സിനോട് ആഴ്സണല് തോല്വി വഴങ്ങി.ഒന്നിനെതിരെ മൂന്ന് ഗോളുകള്ക്കാണ് വോള്വ്സ് ആഴ്സനലിനെ തകര്ത്തത്. നെവെസ്, ദൊഹെര്ട്ടി, ജോട്ട എന്നിവരാണ് വോള്വ്സിനായി ലക്ഷ്യം കണ്ടത്. എണ്പതാം മിനുട്ടില് സോക്രട്ടീസാണ് ആഴ്സണിലിന്റെ ആശ്വാസഗോള് നേടിയത്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!