ഒഗ്ബച്ചെ തിളങ്ങി; വമ്പന്മാരുടെ പോരില് മുംബൈ സിറ്റിക്ക് ജയം
Synopsis
വിജയത്തോടെ ഒന്നാം സ്ഥാനത്ത് തുടരുന്ന മുംബൈ, എടികെയുമായുള്ള പോയിന്റ് വ്യത്യാസം അഞ്ചാക്കി വര്ധിപ്പിച്ചു.
ഐഎസ്എല് ഏഴാം സീസണില് ആദ്യ രണ്ട് സ്ഥാനക്കാരുടെ പോരാട്ടത്തില് മുംബൈ സിറ്റി എഫ്സിക്ക് വിജയം. സമഗ്രമേഖലയിലും എടികെ മോഹന് ബഗാനെ പിന്നിലാക്കിയാണ് മുംബൈ വിജയം പിടിച്ചെടുത്തത്. ഏകപക്ഷീയമായ ഒരു ഗോളിനാണ് മുംബൈ എടികെയെ മറികടന്നത്. 69ാം മിനിറ്റില് ബര്ത്തലോമെവ് ഒഗ്ബച്ചെ വിജയ ഗോള് നേടി. ഗോള് രഹിതമായ രണ്ടാം പകുതിക്ക് ശേഷമാണ് മുംബൈ മത്സരം പിടിച്ചത്. ബോള് പോസെഷനിലും ഷോട്ടിലും പാസിലുമെല്ലാം മുംബൈ എടികെ മോഹന്ബഗാനെ പിന്നിലാക്കി.
വിജയത്തോടെ ഒന്നാം സ്ഥാനത്ത് തുടരുന്ന മുംബൈ, എടികെയുമായുള്ള പോയിന്റ് വ്യത്യാസം അഞ്ചാക്കി വര്ധിപ്പിച്ചു. 69ാം മിനിറ്റില് ഒഗ്ബച്ചെയുടെയും ബോമസിന്റെയും നീക്കമാണ് ഗോളില് കലാശിച്ചത്. മൈതാന മധ്യത്തുനിന്ന് പന്തുമായി ഇരുവരും പന്തുമായി കുതിച്ചു. ഒടുവില് കൃത്യതയാര്ന്ന ഫിനിഷിങ് മികവിലൂടെ ഒഗ്ബച്ചെ പന്ത് ലക്ഷ്യത്തിലെത്തിച്ചു. അവസാന നിമിഷങ്ങളില് ഗോള് മടക്കാന് എടികെ ശ്രമിച്ചെങ്കിലും മുംബൈയുടെ പ്രതിരോധത്തെ മറികടക്കാനായില്ല.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!